KOE GAAHI SAME 140:1-13 TON1884 - Bible AI

¹1 Oku lotu a Tevita ke ne hao mei a Saula mo Toeki, 8 bea ke fakahoko e he Eiki ae totogi ki ai. 12 Oku ne fakafiemalie‘i hono loto i he ene tui ki he Otua. E JIHOVA, fakamoui au mei he tagata agakovi: fakamoui au mei he tagata fakamalohi;

²Aia oku mahalo kovi i ho nau loto; oku nau fakataha mau ai be ke tau.

³Kuo nau fakamajila ho nau elelo o hage koe gata; oku ai ae kona oe gata i ho nau lalo lougutu. Sila.

⁴Fakahaofi au, E Jihova, mei he nima oe agahala; fakamoui au mei he tagata fakamalohi, aia kuo ne fakakaukau ke tulaki hifo hoku va‘e.

⁵Kuo tau fufu e he laukau ae tauhele kiate au, moe gaahi afo; kuo nau aau ae kubega i he vee hala; kuo nau teuteu ae gaahi hele kiate au. Sila.

⁶Naaku behe kia Jihova, Ko koe ko hoku Otua: E Jihova, ke ke ogo‘i ae le‘o o eku gaahi lotu tāumau.

⁷E Jihova koe Eiki, koe malohi o eku fakamoui, kuo ke malu‘i hoku ulu i he aho oe tau.

⁸E Jihova, oua naa ke fai ki he gaahi holi ae agahala: oua naa ke tokoni ene fakakaukau kovi, telia naa nau hiki hake akinautolu. Sila.

⁹Ka koe ulu okinautolu oku nau kabui au, tuku ke ufiufi aki akinautolu ae kovi o ho nau lougutu.

¹⁰Ke to kiate kinautolu ae malala‘i afi oku vela: tuku ke li akinautolu ki he afi; ki he gaahi luo tau mamao, koeuhi ke oua naa nau toe tuu hake.

¹¹Oua naa tuku ha tagata lea kovi ke tuu mau i mamani: e tuli e he kovi ae tagata fakamalohi ke tulaki ia.

¹²Oku ou ilo e fakamāu e Jihova ae mea ae mamahi, moe inaji totonu oe majiva.

¹³Koe mooni e atu ae fakafetai e he maonioni ki ho huafa: e nofo ae agatonu i ho ao.