KOE GAAHI SAME 141:1-10 TON1884 - Bible AI

¹1 Koe lotu a Tevita ke ma‘u ene kole e he Otua, 3 ke maonioni hono loto, 7 bea ke hao a ene moui mei he gaahi tauhele. E JIHOVA, oku ou tagi kiate koe: ke ke ha‘u vave kiate au; fakafanogo ki hoku le‘o, o kau ka tagi kiate koe.

²Ke a‘u atu eku lotu ki ho ao o hage koe mea namu kakala; moe hiki hake o hoku nima o hage koe feilaulau oe efiafi.

³E Jihova, fakanofo ae leo ki hoku gutu; tauhi ae mataba o hoku lougutu.

⁴Oua naa ue‘i hoku loto ki ha mea kovi e taha, ke fai ae gaahi gaue kovi moe kau tagata oku fai kovi: bea oua naa tuku keu kai i he e nau gaahi mea lelei.

⁵Ke ta‘i au e he agatonu; bea koe ofa ia: bea tuku ke ne valoki‘i au; koe lolo lelei ia, aia e ikai foa ai hoku ulu: he ko eku lotu foki e fai ia i he e nau gaahi mamahi.

⁶Oka higa e nau kau fakamāu i he gaahi botu tokatamaki, te nau fanogo ki he eku gaahi lea; he oku melie ia.

⁷Kuo movetevete ho tau gaahi hui i he gutu oe faitoka, o hage koe ta‘i o mafahi e he taha ae akau i he fuga oe fonua.

⁸Ka oku haga hoku mata kiate koe, E Jihova koe Eiki: oku ou falala kiate koe; oua naa ke jiaki hoku laumalie.

⁹Taofi au mei he gaahi tauhele kuo nau ai kiate au, moe gaahi mea fakauu ae kakai fai kovi.

¹⁰Tuku ke to ae agahala ki he gaahi kubega anautolu, i he lolotoga o eku hao mei ai.