KOE GAAHI SAME 146:1-10 TON1884 - Bible AI

¹1 Oku fuakava ae tagata tohi same te ne fakamalo mau ai be ki he Otua. 3 Oku ne eginaki ke oua naa falala ki he tagata. 5 Oku totonu ke falala be ki he Otua, koeuhi ko ene mafimafi, mo ene agatonu, mo ene aloofa, bea mo ene bule. MOU fakamalo kia Jihova. Fakamalo kia Jihova, E hoku laumalie.

²Teu fakamalo kia Jihova i he eku kei moui: teu hiva fakamalo ki hoku Otua i he lolotoga o eku moui.

³Oua naa mou falala ki he gaahi eiki, be ki he foha oe tagata, aia oku ikai ha fakamoui iate ia.

⁴Oku mole atu ene mānava, bea oku foki ia ki he kelekele; oku mole ai i he aho koia ene gaahi mahalo.

⁵Oku monuia ia aia oku ne ma‘u ae Otua o Jekobe ko hono tokoni, bea ko ene amanaki lelei oku ia Jihova ko hono Otua:

⁶Aia naa ne gaohi ae lagi, mo mamani, ae tahi moe mea kotoabe oku i ai: bea oku ne tauhi ae mooni o lauikuoga:

⁷Aia oku ne fai ae fakamāu koeuhi koe kakai fakamalohia: oku ne foaki ae mea kai ki he fiekaia. Oku vete e Jihova ae kau bobula:

⁸Oku fakaa e Jihova ae kui: oku fokotuu e Jihova akinautolu kuo mabelu ki lalo: oku ofa a Jihova ki he agatonu:

⁹Oku fakamoui e Jihova ae kakai muli; oku ne fakafiemalie‘i ae tamai mate moe fefine kuo mate hono unoho: ka koe hala oe agahala oku ne fulihi ia.

¹⁰E bule a Jihova o taegata, io, ko ho Otua, E Saione, i he gaahi toutagata kotoabe. Mou fakamalo kia Jihova.