KOE GAAHI SAME 147:1-20 TON1884 - Bible AI

¹1 Koe eginaki ae balofita ke fakamalo ki he Otua koeuhi ko ene tauhi ki he jiaji, 4 mo ene mafimafi, 6 mo ene aloofa, 7 bea mo ene bule: 12 ke fakamalo kiate ia koeuhi ko ene tabuaki a Isileli, 15 mo hono malohi i he lagi, 19 bea koeuhi ko ene tuutuuni ki he jiaji. MOU fakamalo kia Jihova: he oku lelei ke hiva fakamalo ki ho tau Otua; he oku malie ia; bea oku gali ae fakamalo.

²Oku laga hake e Jihova a Jelusalema: oku ne tanaki fakataha ae kau Isileli nae fakahe‘i.

³Oku ne fakamoui akinautolu oku loto mafeji, o ne nonoo ho nau gaahi lavea.

⁴Oku ne tala hono lau oe gaahi fetuu; oku ne ui akinautolu kotoabe i ho nau gaahi higoa.

⁵Ko ho tau Eiki oku lahi ia, bea lahi hono malohi: ko ene ilo oku taegata.

⁶Oku hiki hake e Jihova ae agamalu: oku li eia ae agahala ki he kelekele.

⁷Hiva kia Jihova aki ae fakafetai; hiva fakamalo i he haabe ki ho tau Otua:

⁸Aia oku ne ufiufi aki ae lagi ae gaahi ao, oku ne teuteu ae uha ki he kelekele, mo ne fakatubu ae mohuku i he gaahi mouga.

⁹Oku ne foaki ki he manu ene mea kai, bea ki he faga leveni iki aia oku tagi.

¹⁰Oku ikai fiefia ia i he malohi oe hose: oku ikai fiefia ia i he kau va‘e oe tagata.

¹¹Oku fiefia a Jihova iate kinautolu oku nau manavahe kiate ia, iate kinautolu oku nau amanaki ki he ene aloofa.

¹²Fakamalo kia Jihova, E Jelusalema; fakamalo ki ho Otua, E Saione.

¹³He kuo ne fakamalohi ae gaahi sogo o ho gaahi mataba; kuo ne tabuaki‘i hoo fānau i loto iate koe.

¹⁴Oku fakatubu eia ae melino i ho gaahi botu, bea oku ne fakamahu aki koe ae uite oku fugani lelei.

¹⁵Oku ne tuku atu ene fekau ki mamani: oku vave aubito ae lele atu o ene folofola,

¹⁶Oku ne foaki ae uha hinehina o hage koe fulufulu‘i sibi: oku ne tūtū‘i ae hahau huo fefeka o hage koe efuefu.

¹⁷Oku ne laku atu ae uha maka o hage koe gaahi momo‘i mea jii: kohai e faa kataki hono momoko?

¹⁸Oku ne fekau atu ene folofola, bea oku vai ai ia: oku ne bule ke agi ene matagi, bea oku tafe atu ae gaahi vai.

¹⁹Oku ne fakaha ene folofola kia Jekobe, a ene gaahi tuutuuni mo ene gaahi fakamāu ki Isileli.

²⁰Nae ikai te ne fai behe ki ha buleaga e taha: bea ko ene gaahi fakamāu, nae ikai te nau ilo ki ai. Mou fakamalo kia Jihova.