KOE GAAHI SAME 148:1-14 TON1884 - Bible AI

¹1 Koe eginaki e he tagata tohi same ki he gaahi mea i he lagi, 7 mo mamani, 11 moe kakai ke nau fakamalo ki he Otua. MOU fakamalo kia Jihova. Mou fakamalo kia Jihova mei he gaahi lagi: fakamalo ki he ene afio i he gaahi botu maoluga.

²Mou fakamalo kiate ia, a ene kau agelo kotoabe: mou fakamalo kiate ia, a ene gaahi kau tau kotoabe.

³Mo fakamalo kiate ia, ae laa moe mahina: mou fakamalo kiate ia, ae gaahi fetuu kotoabe oe māma.

⁴Mou fakamalo kiate ia, ae gaahi lagi oe gaahi lagi, moe gaahi vai oku maoluga i he gaahi lagi.

⁵Ke nau fakamalo ki he huafa o Jihova: he nae fekau eia, bea nae fakatubu akinautolu.

⁶Bea kuo ne fokotuu mau akinautolu o lauikuoga bea taegata kuo ne tuutuuni bea e ikai mole ia.

⁷Fakamalo kia Jihova mei mamani, ae faga talakone, moe gaahi loloto kotoabe:

⁸Ae afi, moe uhamaka; ae uha hinehina, moe gaahi kakabu; ae matagi malohi oku fakamooni ki he ene folofola:

⁹Ae gaahi mouga, moe gaahi foi mouga kotoabe; ae gaahi akau fua, moe gaahi sita kotoabe:

¹⁰Ae faga manu hehegi, moe manu lalata kotoabe; ae gaahi mea totolo, moe manu buna:

¹¹Ae gaahi tu‘i o mamani, moe kakai kotoabe; ae gaahi eiki, moe kau fakamāu kotoabe o mamani:

¹²Ae kau tagata talavou, moe kau taahine; ae kau mātua, moe fānau:

¹³Ke nau fakamalo ki he huafa o Jihova: he ko hono huafa be oku maoluga; mo hono nāunāu oku maoluga hake ia i mamani moe lagi.

¹⁴Oku hiki hake foki eia ae nifo o hono kakai, koia oku fakamalo ai a ene kakai maonioni kotoabe; io, a hono kakai ko Isileli, koe kakai oku ofi kiate ia. Mou fakamalo kia Jihova.