KOE GAAHI SAME 17:1-15 TON1884 - Bible AI

¹1 Oku kole a Tevita i he ene agatonu ki he Otua ke ne malu‘i ia mei hono gaahi fili. 10 Oku ne fakaha e nau laukau, moe kākā, moe manavakavakava. 13 Oku ne kole koeuhi ko kinautolu i he amanaki lelei. E JIHOVA, ke ke fanogo ki he mea totonu, tokaga ki he eku tagi, fakafanogo ki he eku lotu, aia oku ikai mei he lougutu kākā.

²Ke ha‘u mei ho ao a hoku fakamāu; ke afio‘i e ho fofoga aia oku totonu.

³Naa ke ahiahi‘i hoku loto; naa ke aahi kiate au i he bouli; kuo ke ahiahi‘i au, ka e ikai te ke ilo ha mea; kuo bau be hoku loto e ikai hala hoku gutu.

⁴Bea koe mea i he gaahi gaue ae tagata, i he folofola o ho lougutu kuou taofi aki au mei he gaahi aluaga oe fakaauha.

⁵Ke ke tokoni eku alu atu i ho gaahi hala, ke oua naa hekea hoku va‘e.

⁶E Otua naaku ui kiate koe, he te ke ogo‘i au: ke ke fakatokaga‘i ho teliga kiate au, bea fanogo ki he eku lea.

⁷Fakaha hoo aloofa fakamanavahe, akoe oku ke fakamoui aki ho nima toomatau akinautolu oku falala kiate koe meiate kinautolu oku tuu hake kiate kinautolu.

⁸Ke ke tauhi au o hage koe tama‘i mata, fakafufu au i he malu o ho kabakau,

⁹Mei he kau agakovi aia oku nau taomia au, mei hoku gaahi fili fakabo, oku nau kabui au.

¹⁰Kuo a‘i akinautolu aki ho nau fuu jino: oku nau lea fakafielahi aki ho nau gutu.

¹¹Koeni kuo nau kabui akimautolu i ho mau gaahi aluaga: kuo nau fakamamau ho nau mata o jio hifo ki he kelekele;

¹²O hage koe laione oku holi ki he kai, bea hage koe laione mui oku toitoi i he gaahi botu lilo.

¹³Tuu hake, E Jihova, o taofi ia, li ia ki lalo: fakahaofi hoku laumalie mei he tagata agakovi, aia ko hoo heleta:

¹⁴E Jihova, mei he kau tagata oku i ho nima, mei he kau tagata o mamani, oku nau ma‘u ho nau inaji i he moui ni, akinautolu oku ke fakabito ho nau kete aki hoo koloa fufu: oku nau fonu i he gaahi fānau, bea oku nau tuku hono toe oe nau koloa ki he e nau kau valevale.

¹⁵Ka ko au, teu mamata ki ho fofoga i he maonioni: teu fiemalie au, o kau ka a hake, i ho tatau.