KOE GAAHI SAME 18:1-50 TON1884 - Bible AI

¹Oku fakafetai e Tevita ki he Otua koeuhi ko ene gaahi tabuaki lahi mo fakaofo. TEU ofa kiate koe, E Jihova, ko eku malohi.

²Ko hoku makatuu a Jihova, mo eku kolo, mo hoku fakamoui; ko hoku Otua, ko hoku malohi, aia teu falala ki ai; ko hoku fakaū, moe malohi o eku moui, mo hoku hufaga maoluga.

³Teu ui kia Jihova, aia oku gali moia ae fakafetai: koia teu moui ai mei hoku gaahi fili.

⁴Nae kabui au e he gaahi mamahi oe mate, bea nae fakamanavahe‘i au e he lomaki mai oe kau tagata agakovi.

⁵Nae kabui au e he gaahi mamahi o hetesi: nae talia au e he gaahi tauhele oe mate.

⁶I he eku mamahi naaku ui kia Jihova, mo tagi ki hoku Otua: bea ne ogo‘i hoku le‘o mei hono fale tabu, bea nae a‘u atu eku tagi ki hono ao, io, ki hono fofoga.

⁷Nae galulu ai a mamani o tetetete; nae gau‘e mo lulululu foki ae tuuga oe gaahi mouga, koeuhi ko ene houhau.

⁸Nae alu hake ae kohu i hono houhau, bea nae keina e he afi mei hono gutu: nae tutu aki ia ae fefie.

⁹Naa ne ofe‘i hifo foki ae gaahi lagi, o haele hifo: bea nae i hono lalo va‘e ae bouli.

¹⁰Nae heka ia ki he jelubi, bea haele ia: io, nae haele ia i he gaahi kabakau oe matagi.

¹¹Naa ne gaohi ae bouli ko hono fakalilolilo: ko hono afioaga nae kabui ia e he vai fakabouli moe gaahi ao matolu oe lagi.

¹²I he ulo mei hono ao nae mole atu ai a ene gaahi ao matolu, ae uha maka moe gaahi malala‘i afi.

¹³Nae mana foki e Jihova i he gaahi lagi, bea fakaha hono le‘o e he Fugani Maoluga; koe uha maka moe gaahi malala‘i afi.

¹⁴Io, naa ne fana atu ene gaahi gahau, bea veteki akinautolu; bea ne fana aki ae gaahi uhila, o veuveuki akinautolu.

¹⁵Nae toki ha ai ae gaahi tafeaga oe vai, bea fakaha ai ae gaahi tuuga o mamani i ho houhau, E Jihova, i he matagi oe mānava o ho houhau.

¹⁶Naa ne fekau mei oluga, naa ne too au, naa ne too hake au mei he gaahi vai lahi.

¹⁷Naa ne fakahaofi au mei hoku fili malohi, bea mo kinautolu nae fehia kiate au: he naa nau malohi lahi kiate au.

¹⁸Naa nau fakataga‘i au i he aho o eku tuutamaki: ka ko hoku tokoni a Jihova.

¹⁹Naa ne omi au ki he botu ataatā lahi; naa ne fakahaofi au, koe mea i he ene fiemalie iate au.

²⁰Nae totogi e Jihova kiate au o fakatatau ki he eku maonioni; o fakatatau ki he maa a hoku nima kuo ne totogi kiate au.

²¹He naaku tauhi ae gaahi hala o Jihova, bea nae ikai teu alu i he agakovi mei hoku Otua.

²²He nae i hoku ao a ene gaahi fakamāu kotoabe, bea nae ikai teu liaki ene gaahi fekau iate au.

²³Bea naaku agatonu foki i hono ao, bea neu taofi au mei he eku hia.

²⁴Koia kuo totogi ai au e Jihova o fakatatau ki he eku maonioni, bea fakatatau ki he maa a hoku nima i hono ao.

²⁵I he kakai loto ofa te ke fakaha koe koe aloofa; ki he tagata agatonu te ke fakaha koe koe agatonu;

²⁶Ki he maonioni te ke fakaha koe ae maonioni; bea ki he tagata agatuu te mo fekuki mo ia.

²⁷He ko koe te ke fakamoui ae kakai mamahi: ka te ke o hifo ki lalo ae mata fielahi.

²⁸Bea te ke tutu eku māma: e huluaki eku fakabouli e Jihova ko hoku Otua.

²⁹He koe mea iate koe naaku halaua ae tau o hao; bea i hoku Otua neu buna kitua i he a maka.

³⁰Bea koe Otua, oku haohaoa hono hala: oku ahiahi‘i ae folofola a Jihova: koe fakaū ia kiate kinautolu kotoabe oku falala kiate ia.

³¹He kohai oku Otua ka ko Jihova be? be kohai ae makatuu ka ko ho tau Otua be?

³²Koe Otua ia oku ne nonoo aki au ae malohi, o fakahaohaoa hoku aluaga.

³³Oku ne gaohi hoku va‘e ke hage koe va‘e oe hainiti, o ne fokotuu au ki hoku gaahi botu maoluga.

³⁴Oku ne akonaki‘i hoku nima ke tau, koia oku feji‘i ai e hoku nima ae kaufana ukamea.

³⁵Bea kuo ke foaki foki kiate au ae fakaū o hoo fakamoui: bea kuo boubou hake au e ho nima toomatau, bea i hoo agamalu kuo ke hakeaki‘i au.

³⁶Kuo ke fakaataatā hoku aluaga i lalo iate au, koia nae ikai hekea ai hoku va‘e.

³⁷Naaku tuli hoku gaahi fili o ma‘u akinautolu: bea nae ikai teu toe foki kae oua ke auha akinautolu.

³⁸Kuo nau makafokafo iate au, koia nae ikai ai te nau faa tuu hake: kuo nau to ki hoku lalo va‘e.

³⁹He naa ke nonoo aki au ae malohi ki he tau: kuo ke fakavaivai ki lalo iate au akinautolu nae tuu hake kiate au.

⁴⁰Bea kuo ke foaki foki kiate au ae kia o hoku gaahi fili; koeuhi keu fakaauha akinautolu oku fehia kiate au.

⁴¹Naa nau tagi, ka nae ikai ha taha ke fakamoui: io, kia Jihova, ka nae ikai te ne talia akinautolu.

⁴²Bea neu toki ta‘i akinautolu o momoji o hage koe efu oku viligia i he matagi: naaku li akinautolu kitua o hage koe belebela i he gaahi hala.

⁴³Kuo ke fakamoui au mei he gaahi fekeikei oe kakai; bea kuo ke gaohi au koe ulu ki he hiteni: koe kakai nae ikai teu ilo’i te nau tauhi au.

⁴⁴Oka nau ka fanogo kiate au, te nau talagofua leva kiate au: koe kau muli te nau fakavaivai akinautolu kiate au.

⁴⁵E fakaaau o oji ae gaahi muli, bea te nau manavahe mei ho nau gaahi botu lilo.

⁴⁶Oku moui a Jihova; bea fakafetai ki hoku makatuu; bea tuku ke hakeaki‘i ae Otua o eku moui.

⁴⁷Koe Otua ia oku lagomia au, o ne fakavaivai ae kakai kiate au.

⁴⁸Oku ne fakamoui au mei hoku gaahi fili: io, oku ke hiki au keu maoluga iate kinautolu oku agatuu kiate au: kuo ke fakamoui au mei he tagata agamalohi.

⁴⁹Koia teu fakafetai ai kiate koe, E Jihova, i he ao oe hiteni, bea teu hiva aki ae fakafetai ki ho huafa.

⁵⁰Oku ne tuku ae fakamoui lahi ki he ene tu‘i; o ne fakaha ae aloofa kiate ia kuo ne bani aki ae lolo, kia Tevita, mo hono hako o taegata.