KOE GAAHI SAME 19:1-14 TON1884 - Bible AI

¹1 Oku fakaha e he gaahi gaue ae Otua hono ndundu, 7 mo ene ofa i he ene folofola. 12 Oku lotu a Tevita ke ne ma‘u ae ofa. OKU fakaha e he gaahi lagi ae nāunāu oe Otua; bea oku fakaha e he atā ae gaue a hono nima.

²Oku lea e he aho ki he aho, bea fakaha e he bo ki he bo ae ilo.

³Oku ikai ha le‘o be ha lea, oku tae ogo‘i ho nau le‘o.

⁴Kuo hoko e nau fua ki he fonua kotoabe, moe nau gaahi lea ki he gataaga o mamani. Kuo fokotuu eia i ai ae nofoaga ki he laa,

⁵Aia oku hage koe tagata taane oku ha‘u mei hono botu teuteu, bea fiefia o hage koe tagata malohi ke fakabuebue.

⁶Ko hono hoboaga oku mei he gataaga oe lagi, mo hono aluaga ki hono gaahi gataaga: bea oku ikai ha mea e taha e lilo i hono mafana.

⁷Koe fono a Jihova oku haohaoa, oku ne liliu ae laumalie: koe fakailo a Jihova oku tuu mau, oku ne fakaboto‘i ae vale.

⁸Koe gaahi tuutuuni a Jihova oku totonu, oku nau fakafiefia‘i ae loto: koe fekau a Jihova oku maonioni, oku ne fakamāma ki he mata.

⁹Koe manavahe kia Jihova oku maa, bea tologa taegata: koe gaahi fakamāu a Jihova oku mooni mo maonioni kotoabe.

¹⁰Oku totonu ke lahi hake ae holi ki ai i he holi ki he koula, io, i he koula lahi mo lelei: oku hua melie lahi hake ia i he honi mo hono to‘i ae honi.

¹¹Bea kuo valokia ai foki a ho tamaioeiki: bea i he tauhi ki ai oku lahi hono totogi.

¹²Kohai te ne faa ilo ene gaahi he? ke ke fakamaa au mei he gaahi agahala fufu.

¹³Bea ke taofi hoo tamaioeiki foki mei he gaahi agahala oku fai i he ilo; ke oua naa nau bule‘i au: koia teu agatonu ai, bea teu maonioni mei he agahala lahi.

¹⁴E Jihova, ko hoku malohi, mo hoku huhui, tuku ke lelei i ho ao, ae gaahi lea a hoku gutu, moe fakakaukau a hoku loto.