KOE GAAHI SAME 20:1-9 TON1884 - Bible AI

¹1 Oku kole ae tabuaki ki he tu‘i i he ene gaahi gaue. 7 Bea ne falala ki he fakamoui ae Otua. KE ogo‘i koe e Jihova i he aho oe mamahi; ke malu‘i koe e he huafa oe Otua o Jekobe;

²O fekau hoo tokoni mei he fale tabu, mo fakamalohi koe mei Saione;

³O manatu‘i hoo mea foaki kotoabe, bea finagalo lelei ki hoo feilaulau tutu; Sila.

⁴Bea foaki kiate koe o hage ko ho loto, o fakahoko aia oku ke fakakaukau ki ai.

⁵Te mau fiefia i hoo fakamoui, bea i he huafa o ho mau Otua te mau fokotuu e mau gaahi fuka: ke tuku kiate koe e Jihova a hoo gaahi kole kotoabe.

⁶Bea koeni, oku ou ilo oku fakamoui e Jihova a ene bani; te ne ogo‘i ia mei hono botu tobutabu maonioni aki ae malohi fakamoui o hono nima toomatau.

⁷Oku falala ae niihi ki he gaahi saliote, moe niihi ke he faga hose: ka te tau manatu‘i ae huafa o Jihova ko ho tau Otua.

⁸Kuo li ki lalo o to akinautolu: ka kuo tau tuu hake, o tuu ki oluga.

⁹E Jihova, ke ke fakamoui ae tu‘i ke ke ogo‘i akimautolu i he e mau ui atu.