KOE GAAHI SAME 21:1-13 TON1884 - Bible AI

¹1 Koe fakafetai i he tuku mai ae malohi, 7 moe amanaki ki he tokoni amui. E JIHOVA, e fiefia ae tu‘i i ho malohi; bea e fiefia lahi aubito ia i hoo fakamoui.

²Kuo ke foaki kiate ia ae holi a hono loto, bea nae ikai te ke taofi iate ia ae kole a hono lougutu. Sila.

³He oku ke tokoni aki ia ae gaahi tabuaki oe lelei: oku ke ai ki hono fofoga ae tatā fakatu‘i oe koula lelei.

⁴Naa ne kole ae moui iate koe, bea naa ke foaki ia kiate ia, io, ae gaahi aho loloa o taegata bea taegata.

⁵Oku lahi ene vikiviki i hoo fakamoui: kuo ke tuku kiate ia ae fakaabaaba moe nāunāu.

⁶He kuo ke gaohi ia ke matuaki monuia o taegata: kuo ke fakafiefa lahi aubito ia aki ho fofoga.

⁷He oku falala ae tu‘i kia Jihova, bea koe mea i he aloofa oe Fugani Maoluga e ikai ue‘i ia.

⁸E ilo e ho nima a ho gaahi fili kotoabe: bea e ilo e ho nima toomatau akinautolu oku fehia kiate koe.

⁹Te ke gaohi akinautolu ke hage koe gotoumu vela i he aho o hoo tubutamaki: e fakaauha akinautolu e Jihova i hono houhau, e keina o oji akinautolu e he afi.

¹⁰Te ke fakaauha ho nau fua mei he fonua, mo ho nau hako mei he gaahi fānau ae tagata.

¹¹He naa nau tokaga ke fai kovi kiate koe: naa nau fakatubu ae mahalo kovi, aia nae ikai te nau faa fai.

¹²Koia te ke fai ke fulitua akinautolu, oka ke ka ai ae gaahi gahau ki he uka ki he mata o kinautolu.

¹³Ke ke maoluga, E Jihova, i he malohi oou: koia te mau hiva mo fakamalo ai ki hoo mafimafii.