KOE GAAHI SAME 22:1-31 TON1884 - Bible AI

¹1 Oku lāuga a Tevita i he gaahi fakavaivai 9 Oku ne lotu i he mamahi lahi. 23 Oku ne fakafetai ki he Otua. E HOKU Otua, E hoku Otua, koeha kuo ke liaki ai au? koeha oku ke mamao ai mei he tokoni kiate au, bea mei he gaahi lea o eku tagi?

²E hoku Otua, oku ou tagi i he aho, ka oku ikai te ke ogo‘i; bea i he bo, oku ikai teu logo be.

³Ka oku ke maonioni, akoe oku ke ma‘u ae gaahi fakafetai o Isileli.

⁴Nae falala ae mau gaahi tamai kiate koe: naa nau falala, bea naa ke fakamoui akinautolu.

⁵Naa nau tagi kiate koe, bea nae fakamoui akinautolu: naa nau falala kiate koe, bea nae ikai te nau ma.

⁶Ka koe kelemutu au, ka oku ikai koe tagata: koe manukiaga oe tagata, koe fehianekina e he kakai.

⁷Ko kinautolu kotoabe oku mamata kiate au oku nau kata manuki kiate au: oku nau fakalili ho nau gutu, mo kalokalo ae ulu, mo nau behe,

⁸Naa ne falala kia Jihova ke ne fakamoui ia: tuku ke ne fakamoui ia, he naa ne fiemalie iate ia.

⁹Ka ko koe ia nae too au mei he manāva o eku fa‘e: naa ke fakaamanaki‘i au i he eku kei i he huhu o eku fa‘e.

¹⁰Nae li au kiate koe mei he manāva: ko hoku Otua koe talu eku ha‘u mei he manāva o eku fa‘e.

¹¹Oua naa ke mamao iate au: he oku ofi ae mamahi; he oku ikai ha taha ke tokoni.

¹²Kuo kabui au e he faga bulu tagata lahi: kuo a‘i au e he faga bulu tagata malohi mei Besani.

¹³Naa nau fakamaga ho nau gutu kiate au, o hage koe laione fekai mo gugulu.

¹⁴Kuo liligi au o hage koe vai, bea kuo homo hoku gaahi hui kotoabe: kuo tatau hoku loto moe bulu: kuo fakamolu ia i hoku loto fatu.

¹⁵Kuo momoa o oji hoku malohi o hage koe ibu kuo maumau; bea oku biki mau hoku elelo ki hoku oaoi gutu; bea kuo ke o hifo au ki he efu oe mate.

¹⁶He kuo kabui au e he faga kuli: kuo a‘i au e he fakataha oe gaahi agakovi: naa nau hoka‘i hoku nima mo hoku va‘e.

¹⁷Oku ou faa lau hoku hui kotoabe: oku nau mamata mo jiojio bau kiate au.

¹⁸Oku nau tufa hoku gaahi kofu iate kinautolu, mo fai ae talotalo ki hoku bulubulu.

¹⁹Kae oua naa ke mamao iate au, E Jihova: E hoku malohi, ke ke fakatootoo ke tokoni au.

²⁰Fakamoui hoku laumalie mei he heleta; mo eku moui mei he malohi oe kuli.

²¹Fakamoui au mei he gutu oe laione: he kuo ke ogo‘i au mei he gaahi nifo oe faga liimi.

²²Teu fakaha ho huafa ki hoku gaahi kaiga: i he lotolotoga oe fakataha teu fakafetai kiate koe.

²³Akimoutolu oku manavahe kia Jihova, fakafetai kiate ia; fakaabaaba kiate ia akimoutolu koe hako o Jekobe; bea manavahe kiate ia, akimoutolu kotoabe koe hako o Isileli.

²⁴He nae ikai te ne manuki be fehia ki he mamahi oe mamahiia; bea nae ikai te ne fufu hono fofoga iate ia; ka i he ene tagi kiate ia naa ne ogo‘i.

²⁵E iate koe be eku fakafetai i he fakataha lahi: teu fakamooni eku gaahi fuakava i he ao okinautolu oku manavahe kiate ia.

²⁶E kai e he agamalu ke makona: e fakafetai kia Jihova akinautolu oku kumi kiate ia: e moui taegata ho mou laumalie.

²⁷E manatu mo tafoki kia Jihova ae gaahi gataaga kotoabe o mamani: bea e lotu i ho ao ae gaahi faahiga kotoabe oe gaahi buleaga.

²⁸He oku o Jihova ae buleaga; bea koe bule ia i he gaahi buleaga.

²⁹Ko kinautolu oku jino i mamani te nau kai mo lotu: e bunou i hono ao akinautolu kotoabe oku alu hifo ki he efu: bea oku ikai ha taha te ne faa fakamoui hono laumalie oona.

³⁰E tauhi ia e ha hako; bea e lau ia koe toutagata kia Jihova.

³¹Te nau ha‘u, o fakaha ene maonioni ki ha kakai e fanau‘i, kuo fai eia ae mea ni.