KOE GAAHI SAME 24:1-10 TON1884 - Bible AI

¹1 Oku Eiki ae Otua ki mamani. 3 Koe kauga kolo i hono buleaga fakalaumalie. 7 Koe eginaki he ma‘u ia. OKU o Jihova ae fonua kotoabe, mo hono mahu oia; a mamani, mo kinautolu oku nofo i ai.

²He kuo ne fokotuu ia ki he gaahi tahi, mo fakatuu mau ia ki he gaahi vai lahi.

³Kohai e alu hake ki he mouga o Jihova? be kohai e tuu i hono botu maonioni?

⁴Ko ia oku nima maa, mo loto maonioni; aia nae ikai te ne hiki hono laumalie ki he mea vaiga, be fuakava i he kākā.

⁵Te ne ma‘u eia ae tabuaki mei a Jihova, moe maonioni mei he Otua o ene moui.

⁶Koe toutagata eni okinautolu oku kumi kiate ia, akinautolu oku kumi ki ho fofoga, E Otua o Jekobe. Sila.

⁷Hiki hake ho mou ulu, ae gaahi mataba; bea ke hiki ke maoluga, akimoutolu ae gaahi mataba taegata; bea e haele mai ae Tu‘i oe nāunāu.

⁸Kohai ae Tu‘i ni oe nāunāu? Ko Jihova oku malohi mo mafimafi, ko Jihova oku malohi i he tau.

⁹Hiki hake ho mou ulu, ae gaahi mataba; io, hiki ki oluga, ae gaahi mataba taegata; bea e haele mai ae Tu‘i oe nāunāu.

¹⁰Kohai ae Tu‘i ni oe nāunāu? Ko Jihova oe gaahi kau tau, koia ia koe Tu‘i oe nāunāu. Sila.