1
2E hoku Otua, oku ou falala kiate koe: oua naa ke tuku au keu ma, bea oua naa fiefia hoku gaahi fili iate au.
3Io, ke oua naa ma ha toko taha oku tatali kiate koe: tuku ke ma akinautolu oku fai agahala koe bauu be.
4Fakaha kiate au, E Jihova, ho gaahi hala; ako kiate au ho gaahi haeleaga.
5Tataki au i hoo mooni, mo akonaki‘i au: he ko koe koe Otua o eku moui; oku ou tatali kiate koe i he aho kotoa.
6E Jihova, ke ke manatu ki hoo gaahi aloofa mo hoo ofa mataatā be; he oku talu mei mua ia.
7Oua naa ke manatu‘i ae gaahi agahala i he eku kei jii, mo eku gaahi talagataa: ka ke manatu kiate au, E Jihova, o fakatatau ki hoo aloofa koeuhi ko hoo agalelei.
8Oku agalelei mo agatonu a Jihova: koia te ne akonaki‘i ai ae kau agahala i he hala.
9Te ne tataki ae agamalu i he fakamāu: te ne ako hono hala ki he agavaivai.
10Koe gaahi hala kotoabe o Jihova koe aloofa moe mooni kiate kinautolu oku tauhi ene fuakava mo ene gaahi fakamooni.
11E Jihova, koe mea i ho huafa, ke ke fakamolemole eku hia; he oku lahi ia.
12Kohai ae tagata oku manavahe kia Jihova? te ne akonaki‘i ia i he hala te ne fili.
13E nofo mau hono laumalie i he lelei; bea e ma‘u e hono hako ae fonua.
14Koe finagalo fufu o Jihova oku iate kinautolu oku manavahe kiate ia; bea te ne fakaha kiate kinautolu ene fuakava.
15Oku haga atu mau ai be hoku mata kia Jihova; he ko ia te ne too hoku va‘e mei he kubega.
16Ke ke fofoga mai kiate au, mo ke aloofa kiate au; he oku ou baea mo mamahi.
17Kuo tubu o lahi ae gaahi mamahi o hoku loto; ke ke omi au mei he eku gaahi mamahi.
18Ke ke afio ki hoku mahaki mo eku mamahi; bea fakamolemole eku agahala kotoabe.
19Afio ki hoku gaahi fili; he oku nau toko lahi; bea oku nau fehia kiate au i he fehia lahi.
20Ke ke tauhi hoku laumalie, mo fakamoui au: oua naa ke tuku au keu ma; he oku ou falala kiate koe.
21Ke fakamoui au e he haohaoa moe agatonu; he oku ou tatali kiate koe.
22E Otua, ke ke huhui a Isileli mei he ene gaahi mamahi kotoabe.