KOE GAAHI SAME 26:1-12 TON1884 - Bible AI

¹Oku hu a Tevita ki he Otua i he ene ilo ene ogatonu KE ke fakamāu au, E Jihova; he naaku eveeva i he eku agatonu: naaku falala foki kia Jihova; koia e ikai ai teu hekea.

²Ahiahi‘i au, e Jihova, o ilo‘i au; ahiahi‘i hoku laumalie mo hoku loto.

³He oku i hoku ao a hoo aloofa: bea naaku eveeva i hoo mooni.

⁴Nae ikai teu nofo moe kau tagata agakovi, bea e ikai teu alu ki loto moe kau malualoi.

⁵Oku ou fehia ki he fakataha oe kau fai kovi; bea e ikai teu nofo moe kau agahala.

⁶Teu fanofano hoku nima i he maonioni: bea e behe be eku kabui ho ejifeilaulau, E Jihova:

⁷Koeuhi keu fakaha aki ae le‘o oe fakafetai, bea fakamatala ki hoo gaahi gaue fakaofo kotoabe.

⁸E Jihova, kuou ofa ki he nofoaga o ho fale, moe botu oku nofo ai a hoo afio.

⁹Oua naa ke fakataha hoku laumalie moe kau agahala, be ko eku moui moe kau tagata bani toto:

¹⁰Akinautolu oku i ho nau nima ae bauu, bea oku fonu ho nau nima toomatau i he gaahi mea fakahe.

¹¹Ka ko au, teu eveeva i he eku agatonu: ke ke huhui au, mo ke aloofa kiate au.

¹²Oku tuu hoku va‘e i he botu tokamalie: i he gaahi fakataha oe kakai teu fakafetai kia Jihova.