KOE GAAHI SAME 27:1-14 TON1884 - Bible AI

¹1 Oku tokoni e Tevita ene tui aki ae malohi oe Otua, 4 mo ene ofa ki he tauhi ki he Otua, 7 mo ene hu. KO eku māma mo hoku fakamoui a Jihova; teu manavahe ki ahai? koe malohi o eku moui a Jihova; bea teu manavahe ki ahai?

²I he ha‘u kiate au ae kau agahala, ko hoku gaahi fili moe kau fakamamahi kiate au, ke kai o oji hoku kakano, naa nau tūkia o higa.

³Kabau e fakataha ae kau tau ke tau‘i au, e ikai manavahe hoku loto; ne ogo ae tuu mai ae tau kiate au, teu falala be i he mea ni.

⁴Koe mea e taha kuou kole kia Jihova, aia teu kumi ki ai; koeuhi keu nofo mau i he fale o Jihova i he aho kotoabe o eku moui, ke mamata ki he lelei o Jihova, mo fehui i hono fale tabu.

⁵He te ne fufu au i he aho oe mamahi i hono afioaga: te ne fufu au i he botu lilo o hono fale fehikitaki; te ne fokotuu au ki he fuga maka.

⁶Bea koeni, e hiki ke maoluga hake hoku ulu ki hoku gaahi fili oku takatakai au: koia teu o hake i hono fale fehikitaki ae gaahi feilaulau ae fiefia; teu hiva, io, teu hiva aki ae fakafetai kia Jihova.

⁷Ke ke ogo‘i, E Jihova, o kau ka tagi aki hoku le‘o: ke ke aloofa mai foki kiate au, o talia au.

⁸I hoo folofola behe, Mou kumi ki hoku fofoga; nae behe leva e hoku loto kiate koe, Ko ho fofoga, E Jihova, teu kumi.

⁹Oua naa ke fufu ho fofoga iate au; oua naa ke tukuage hoo tamaioeiki i ho houhau: naa ke tokoni au; oua naa ke tuku au, be jiaki au, E Otua o eku moui.

¹⁰Oka liaki au e he eku tamai mo oku fa‘e, e too hake au e Jihova.

¹¹Ako kiate au ho hala, E Jihova, mo tataki au i he hala ilogofua, koeuhi ko hoku gaahi fili.

¹²Oua naa ke tukuage au ki he loto o hoku gaahi fili: he kuo tuu hake o agatuu kiate au ae kau fakamooni loi, mo ia oku mānava aki ae fai kovi.

¹³Ka ne ikai teu tui keu mamata ki he finagalo ofa o Jihova i he fonua oe moui, behe kuou ilifia.

¹⁴Amanaki lelei kia Jihova: bea ke loto to‘a, bea te ne fakamalohi ho loto: oku ou behe, amanaki lelei kia Jihova.