KOE GAAHI SAME 28:1-9 TON1884 - Bible AI

¹1 Oku lotu a Tevita telia hono gaahi fili. 6 Oku ne fakafetai ki he Otua. 9 Oku ne hufia ae kakai. TEU tagi kiate koe, E Jihova ko hoku makatuu; oua naa ke tae afio‘i au: telia, i hoo tae afio‘i au, teu hoko o tatau mo kinautolu oku alu hifo ki he luo.

²Ke ke ogo‘i ae le‘o o eku lotu tāumau, o kau ka tagi kiate koe, o kau ka hiki hake hoku nima ki ho folofolaaga maonioni.

³Oua naa ke toho au moe kau agahala, bea mo kinautolu oku fai kovi, akinautolu oku lea malie ki ho nau kaugaabi, ka oku i ho nau loto ae kovi.

⁴Te ke tuku kiate kinautolu o hage koe nau gaue, o fakatatau ki he kovi oe nau gaahi faiaga: atu kiate kinautolu o hage koe gaue a ho nau nima; age kiate kinautolu ho nau inaga.

⁵Koe mea i he e nau tae tokaga ki he gaahi gaue a Jihova, moe gaue a hono nima, te ne fakaauha akinautolu, bea e ikai laga hake akinautolu.

⁶Fakafetai kia Jihova, koe mea i he ene ogo‘i ae le‘o o eku lotu tāumau.

⁷Ko hoku malohi mo hoku fakaū a Jihova; nae falala kiate ia hoku loto, bea kuo tokoni‘i au: koia oku fiefia lahi ai hoku loto; bea i he eku hiva teu fakafetai kiate ia.

⁸Koe malohi a Jihova kiate kinautolu, bea koe malohi fakamoui ia o ene bani.

⁹Ke ke fakamoui hoo kakai, mo tabuaki ho tofia: tauhi akinautolu foki, bea hiki hake akinautolu ke taegata.