KOE GAAHI SAME 29:1-11 TON1884 - Bible AI

¹1 Oku eginaki‘i e Tevita ae houeiki ke nau fakaabaaba ki he Otua, 3 koeuhi ko ene mafimafi, 11 mo ene malu‘i hono kakai. TUKU kia Jihova, ekimoutolu koe gaahi foha oe malohi, tuku kia Jihova ae nāunāu moe mafimafi.

²Tuku kia Jihova ae fakaabaaba oku tāu mo hono huafa; hu kia Jihova i he teuga matamata lelei oe maonioni.

³Koe le‘o o Jihova oku i oluga i he gaahi vai: oku mana e he Otua oe nāunāu: oku i oluga i he gaahi vai lahi a Jihova.

⁴Koe le‘o o Jihova oku fonu i he malohi; oku fonu ae le‘o o Jihova i he nāunāu.

⁵Oku feji‘i e he le‘o o Jihova ae gaahi sita; io, oku feji‘i e Jihova ae gaahi sita o Lebanoni.

⁶Oku gaohi eia ke nau hobohobo o hage koe uhiki‘i bulu; a Lebanoni mo Silione o hage koe uhiki‘i liimi.

⁷Oku vahevahe e he le‘o o Jihova ae gaahi ulo oe afi.

⁸Oku lulu e he le‘o o Jihova ae toafa; oku lulululu e Jihova ae toafa o Ketesi.

⁹Oku fakafanau‘i e he le‘o o Jihova ae faga hainiti, bea ne fakaha ae gaahi vao akau: bea i hono fale tabu oku lea taki taha kotoabe ki hono nāunāu.

¹⁰Oku nofo a Jihova ki he vai lahi; io, oku nofo a Jihova koe Tu‘i o taegata.

¹¹E foaki e Jihova ae malohi ki hono kakai; e tabuaki e Jihova a hono kakai aki ae melino.