KOE GAAHI SAME 30:1-12 TON1884 - Bible AI

¹1 Oku fakafetai a Tevita ki he Otua i he ene fakamoui ia. 4 Oku ne eginaki‘i ae kakai ke nau fakafetai ki he Otua koeuhi ko ene gaue kiate ia. TEU fakafetai kiate koe, E Jihova; he kuo ke hiki hake au, bea nae ikai te ke tuku ke fiefia a hoku gaahi fili kiate au.

²E Jihova ko hoku Otua, naaku tagi kiate koe, bea kuo ke fakamoui au.

³E Jihova, kuo ke o hake hoku laumalie mei hetesi: kuo ke fakatologa eku moui, ke oua naaku alu hifo ki he luo.

⁴Hiva kia Jihova, akimoutolu ko ene kakai maonioni, bea atu ae fakafetai i he manatu ki he ene maonioni.

⁵He oku hage koe kemo oe mata hono houhau; oku ai ae moui i he ene ofa: kabau e ai ha tagi i he bo, e hoko ae fiefia i he bogibogi.

⁶Bea i he eku monuia naaku behe, e ikai teu gau‘eu‘e o lauikuoga.

⁷E Jihova, kuo ke fokotuu mau i hoo ofa ae malohi ki hoku mouga: naa ke fufu ho fofoga, bea neu mamahi ai.

⁸Naaku tagi kiate koe, E Jihova; bea neu fai eku kole taumau kia Jihova.

⁹Koeha hono aoga o hoku toto, o kau ka alu hifo ki he luo? E fakafetai ae efu kiate koe? e fakaha eia hoo mooni?

¹⁰Fanogo mai, E Jihova, bea ke aloofa mai kiate au: E Jihova, ke ke hoko koe tokoni kiate au.

¹¹Kuo ke liliu kiate au eku tagi koe mee hobohobo: kuo ke vete hoku tauagaa, bea fakavala aki au ae fiefia;

¹²Koeuhi ke hiva aki e hoku elelo ae fakafetai kiate koe, bea oua naa logo be. E Jihova ko hoku Otua, teu atu ae fakafetai kiate koe o taegata.