KOE GAAHI SAME 31:1-24 TON1884 - Bible AI

¹1 Oku fakaha e Tevita ene falala ki he Otua, bea ne kole ke ne tokoni ia. 7 Oku ne fiefia i he ene aloofa. 9 Oku ne lotu i he ene mamahi. 19 Oku ne fakafetai ki he Otua koeuhi ko ene agalelei. OKU ou falala kiate koe, E Jihova; oua naa ke tuku au keu ma: fakamoui au i hoo maonioni.

²Fakatokaga‘i ho teliga kiate au; ke vave hoo fakamoui au: ke ke iate au koe maka malohi, koe fale hufaga ke fakamoui au.

³He ko koe ko hoku makatuu mo eku kolo: koia, koe mea i ho huafa ke ke tataki au, o fakahinohino au.

⁴Toho au mei he kubega kuo nau aau fakafufu kiate au: he ko koe ko hoku malohi.

⁵Oku ou tuku atu hoku laumalie ki ho nima: kuo ke huhui au, E Jihova koe Otua oe mooni.

⁶Naaku fehia kiate kinautolu oku tokaga ki he gaahi mea vaiga loi be: ka oku ou falala kia Jihova.

⁷Teu fiefia mo nekeneka i hoo aloofa: he kuo ke tokaga ki he eku mamahi; kuo ke ilo‘i hoku laumalie i he gaahi mamahi;

⁸Bea nae ikai te ke tabuni au i he nima oe fili: kuo ke fokotuu hoku va‘e i he botu ataatā lahi.

⁹Aloofa mai kiate au, E Jihova, he oku ou moua i he mamahi: kuo auha hoku mata i he tagi, io, ko hoku laumalie mo hoku kete.

¹⁰He kuo oji eku moui i he tagi, mo hoku gaahi ta‘u i he mafulu: kuo fakaaau ke oji hoku malohi koe mea i he eku hia, bea kuo auha hoku gaahi hui.

¹¹Koe manukiaga au o hoku gaahi fili kotoabe, kae ajili be ki hoku gaahi kaugaabi, bea koe ilifiaaga o hoku kaumea: ko kinautolu nae mamata kiate au ituaa naa nau hola iate au.

¹²Kuo fakagalogalo‘i au mei he loto o hage koe tagata kuo mate: kuou tatau moe ibu kuo maumau.

¹³He naaku fanogo ki he lauikovi e he toko lahi: nae i he botu kotoabe ae manavahe: lolotoga e nau fakakaukau fakataha kiate au, naa nau loto ke too eku moui.

¹⁴Ka naaku falala kiate koe, E Jihova: naaku behe, Ko koe ko hoku Otua.

¹⁵Ko hoku gaahi kuoga oku i ho nima: ke ke fakahaofi au mei he nima o hoku gaahi fili, bea mo kinautolu oku fakataga‘i au.

¹⁶Tuku ke ulo mai ho fofoga ki hoo tamaioeiki: fakamoui au koeuhi ko hoo aloofa.

¹⁷Oua naa ke tuku au keu ma, e Jihova; he naaku ui kiate koe: tuku ke ma ae kau agahala, tuku ke nau logo be i he faitoka.

¹⁸Tuku ke fakalogo be ae gaahi lougutu loi; aia oku lea aki ae mea fakamamahi ki he kau maonioni i he fielahi moe manuki.

¹⁹Oku fefe hono lahi o hoo agalelei, aia kuo ke hilifaki ma anautolu oku manavahe kiate koe; aia kuo ke gaohi ma anautolu oku falala kiate koe i he ao oe gaahi foha oe tagata!

²⁰Te ke fufu akinautolu i he botu lilo o ho fofoga mei he fielahi ae tagata: te ke tauhi fakafufu be akinautolu i ha afioaga mei he fakakikihi oe gaahi elelo.

²¹Fakafetai kia Jihova: he kuo ne fakaha kiate au ene agalelei fakaofo i he kolo malohi.

²²He naaku behe i he eku tootoo, kuo motuhi au mei he ao o ho fofoga: ka naa ke ogo‘i ae le‘o o eku gaahi lotu tāumau i he eku tagi kiate koe.

²³Mou ofa kia Jihova, akimoutolu ko ene kakai maonioni kotoabe: he oku tauhi e Jihova ae kau agatonu, bea oku ne totogi lahi ki he kau fai fakafielahi.

²⁴Ke mou loto to‘a, bea te ne fakamalohi ho mou loto, akimoutolu kotoabe oku amanaki lelei kia Jihova.