KOE GAAHI SAME 35:1-28 TON1884 - Bible AI

¹1 Oku lotu e Tevita ke moui ia, kae maveuveu hono gaahi fili. 11 Oku ne lāuga ki he e nau fai tae totonu. 22 Koia oku ne kole ki he Otua koeuhi ko kinautolu. KE ke lagomaki‘i au, E Jihova, telia akinautolu oku fakataga‘i au: ke ke tau‘i akinautolu oku nau tau‘i au.

²Too ae fakaū moe ba, bea tuu hake ko hoku tokoni.

³Unuhi mai foki ae tao, o tabuni ae hala kiate kinautolu oku fakataga‘i au: bea tala ki hoku laumalie, ko au ko ho fakamoui.

⁴Tuku ke bubutuu mo ma akinautolu oku kumi ki hoku laumalie: tuku ke fakafoki ki mui mo ilifia akinautolu oku buleaki‘i au.

⁵Tuku ke nau hage koe kafukafu‘i akau i he ao oe matagi: bea tuku ke tuli akinautolu e he agelo a Jihova.

⁶Tuku ke fakabouli ho nau hala bea hekeheke: bea ke fakataga akinautolu e he agelo a Jihova.

⁷He kuo nau aau fakafufu i he luo ho nau kubega kiate au tae hano uhiga; kuo nau keli ae luo ki hoku laumalie tae hano uhiga.

⁸Ke hoko ae malaia kiate ia fakafokifabe; bea koe kubega oona aia kuo ne aau fufu tuku ke moua ai ia: tuku ia ke to ki he malaia totonu koia.

⁹Bea e fiefia hoku laumalie ia Jihova: e nekeneka ia i he ene fakamoui.

¹⁰E behe e hoku gaahi hui kotoabe, E Jihova, kohai oku hage ko koe, akoe oku ke fakahaofi ae majiva meiate ia oku malohi lahi iate ia, io, ae majiva moe baea meiate ia oku ne fakamalohi‘i ia?

¹¹Nae tuu hake ae kau fakamooni loi; naa nau tuku kiate au ae gaahi mea nae ikai teu ilo.

¹²Naa nau totogi kovi ki he eku lelei ke fakamajiva‘i hoku laumalie.

¹³Ka ko au, naaku kofu aki ae tauagaa, i ho nau mahaki: naaku fakavaivai hoku laumalie i he aukai; bea nae foki mai eku lotu ki hoku fatafata.

¹⁴Naaku fai o hage ko hoku kaiga ia be ko hoku tokoua: naaku tulolo hifo fakamamahi be, o hage koe toko taha oku tagi koeuhi ko ene fa‘e.

¹⁵Ka i he eku tuutamaki naa nau fiefia, o nau fakakatoa akinautolu: io, nae fakataha akinautolu ae kakai faa ta o tuu kiate au, bea nae ikai teu iloa; naa nau haehae, bea nae ikai logo be:

¹⁶Naa nau fakalili ho nau nifo kiate au, moe kau malualoi oku manuki i he gaahi katoaga.

¹⁷E Jihova, e fefe hono fuoloa mo hoo afio ki ai? fakamoui hoku laumalie mei he e nau gaahi fakamalaia, mo eku moui mei he faga laione.

¹⁸Teu atu ae fakafetai kiate koe i he fakataha lahi: teu fakaogoogolelei koe i he ao oe kakai lahi.

¹⁹Oua naa tuku ke fiefia kiate au akinautolu kuo hoko noabe ko hoku fili: bea oua naa tuku ke lalama ho nau mata akinautolu oku fehia kiate au tae hano uhiga.

²⁰He oku ikai te nau lea lelei: ka oku nau fakatubu ae gaahi mea kākā kiate kinautolu oku nofo fiemalie i he fonua.

²¹Io, kuo nau fakamaga ho nau gutu o lahi kiate au, o nau behe, Ha, ha, kuo mamata ki ai ho mau mata.

²²Kuo ke afio‘i eni, E Jihova: oua naa ke fakalogo be: E Jihova, oua naa ke mamao iate au.

²³E hoku Otua mo hoku Eiki, ke ke tuu hake, mo ke a ki hoku fakamāu, io, ki hoku lagomaki‘i.

²⁴E Jihova ko hoku Otua, ke ke fakamāu au o hage ko eku maonioni; bea ke oua te nau fiefia kiate au.

²⁵Oua naa behe ekinautolu i ho nau loto, Ha, ko ho mau loto ia: oua te nau behe, Kuo tau folo hifo ia.

²⁶Tuku ke ma mo manavahe fakataha akinautolu oku fiefia i hoku lavea: tuku ke kofu aki ae ma moe tae fakaabaaba akinautolu oku fai fakafiefielahi kiate au.

²⁷Tuku ke kalaga fakafiefia, mo nekeneka, akinautolu oku loto lelei ki he eku maonioni: io, tuku ke nau lea behe mau ai be, Ke ogoogolelei a Jihova, aia oku fiemalie i he monuia a ene tamaioeiki.

²⁸Bea e lea a hoku elelo ki hoo maonioni mo ho ogoogolelei i he aho kotoa.