KOE GAAHI SAME 39:1-13 TON1884 - Bible AI

¹1 Koe tokaga a Tevita ki he ene gaahi mahalo. 4 Ko ene manatu ki he fuonounou moe vaiga oe moui, 7 moe manavahe ki he gaahi fakamāu ae Otua, 10 moe lotu, koe gaahi mea taofi ia ki he tae faa kataki. NAAKU behe, Teu vakai ki hoku gaahi hala, telia naaku agahala i hoku elelo: teu ai ae noo ki hoku gutu, i he kei i hoku ao ae agakovi.

²Naaku noa i he fakalogo be, naaku taofi au mei he lea, io, mei he lelei; bea nae tubu ai eku mamahi.

³Nae vela hoku loto iate au, bea lolotoga eku fifili nae vela ae afi: beau toki lea aki hoku elelo,

⁴E Jihova, ke ke fakailo kiate au hoku gataaga, mo hono fuofua o hoku gaahi aho, be koeha ia; koeuhi keu ilo ki hono lahi o eku vaivai.

⁵Vakai, kuo ke gaohi hoku gaahi aho ke tatau moe aofinima be taha; bea ko eku moui oku hage koe mea noabe i ho ao: koe mooni koe tagata kotoabe i he ene tuu mau koe matuaki vaiga ia. Sila.

⁶Koe mooni oku alu ae tagata kotoabe i he ata loi: koe mooni kuo nau mamahi taeaoga: oku ne tanaki ae koloa, bea oku ikai te ne ilo be kohai te ne ma‘u ia.

⁷Bea koeni, E Jihova, koeha oku ou tatali ai? oku iate koe be eku amanaki lelei.

⁸Fakamoui au mei he eku gaahi talagataa kotoabe: oua naa ke gaohi au koe manukiaga oe vale.

⁹Naaku noa, nae ikai teu mafaa hoku gutu; koeuhi ko koe naa ke fai ia.

¹⁰Too atu hoo ta iate au: kuou auha i he ta a ho nima.

¹¹Oka ke ka tautea ae tagata aki ae takitala i he ene hia, oku ke bule ke mole atu hono lelei o hage koe ane: koe mooni koe vaiga ae tagata kotoabe. Sila.

¹²Fanogo mai ki he eku lotu, E Jihova, mo ke fakafanogo ki he eku tagi; oua naa ke fakalogo be i hoku gaahi loimata: he koe muli au i ho ao, moe aunofo, o hage ko eku gaahi tamai kotoabe.

¹³Tuku jii ai be au, koeuhi keu toe ma‘u eku malohi, i he teeki ai teu alu i heni, bea teu ikai leva.