KOE GAAHI SAME 4:1-8 TON1884 - Bible AI

¹1 Koe lotu a Tevita ke tokaga ae Eiki kiate ia. 2 Oku ne valoki mo eginaki ki hono gaahi fili. 6 Oku i he Otua ae monuia oe tagata. O KAU ka kole, fanogo mai kiate au, E Otua o eku maonioni: naa ke halahala‘i au mei he mamahi; ke ke aloofa mai kiate au, bea fanogo ki he eku lotu.

²Ae gaahi foha oe tagata, e gata afe hoo mou liliu hoku nāunāu koe mea fakama? e gata afe hoo mou ofa ki he mea vaiga be, o kumi ki he loi? Sila.

³Ka mou ilo kuo vahe‘i e Jihova maana aia oku agalelei: e fanogo e Jihova o kau ka kole kiate ia.

⁴Mou manavahe, bea oua naa fai agahala: fakakaukau mo ho mou loto i ho mou mohega, bea mou fakalogo be. Sila.

⁵Feilaulau aki ae gaahi feilaulau maonioni, bea mou falala kia Jihova.

⁶Oku behe e he toko lahi, Kohai te ne fakaha ha lelei kiate kitautolu? E Jihova, ke ke hiki hake kiate kimautolu ae māma o ho fofoga.

⁷Kuo ke ai ki hoku loto ae fiefia lahi hake i he fiefia i he kuoga nae tubu o lahi ai e nau uite moe uaine.

⁸Teu tokoto hifo i he fiemalie, o mohe: he ko koe be, E Jihova, oku ke bule keu nofo lelei.