KOE GAAHI SAME 40:1-17 TON1884 - Bible AI

¹1 Ko hono aoga oe falala ki he Otua. 6 Koe feilaulau lelei lahi ae talagofua. 11 Oku ajili ai ae lotu a Tevita i he ene manatu ki he ene kovi. NAAKU tatali faa kataki be kia Jihova; bea ne tokaga kiate au, o ne ogo‘i eku tagi.

²Bea naa ne too hake au mei he lua fakailifia, mei he umea belebela, o ne fokotuu hoku va‘e ki he maka, o fakamau hoku gaahi aluaga.

³Bea kuo ne ai ae hiva foou ki hoku gutu, io, ae fakafetai ki ho tau Otua: e mamata ki ai ae toko lahi, bea manavahe, bea te nau falala kia Jihova.

⁴Oku monuia ae tagata koia oku falala kia Jihova, bea ikai tokaga ia ki he kakai laukau, mo kinautolu oku afe ki he loi.

⁵E Jihova ko hoku Otua, oku lahi hoo gaahi gaue fakaofo aia kuo ke fai, mo ho finagalo lelei kiate kimautolu: e ikai faa lau fakaholo ia kiate koe: kabau teu fie fakaha o lea ki ai, oku lahi aubito ia, e ikai faa laua.

⁶Koe feilaulau moe mea foaki nae ikai te ke finagalo ki ai; ka ko hoku teliga kuo ke fakaava: koe feilaulau tutu moe feilaulau koeuhi koe agahala nae ikai te ke fekau.

⁷Bea naaku toki behe, Vakai, oku ou ha‘u: kuo tohi i he tohi takai iate au,

⁸E hoku Otua, oku ou fiefia ke fai ho finagalo: io, oku i hoku loto hoo fono.

⁹Naaku malaga aki ae maonioni i he fakataha lahi: vakai, nae ikai teu taofi hoku lougutu, E Jihova, oku ke ilo‘i.

¹⁰Nae ikai teu fakafufu hoo maonioni i hoku loto; naaku fakaha hoo agatonu mo hoo fakamoui: nae ikai teu fakalilolilo a hoo aloofa mo hoo mooni mei he fakataha lahi.

¹¹E Jihova, oua naa ke taofi hoo gaahi aloofa ogogofua iate au: tuku ke tauhi mau ai be au e hoo aloofa mo hoo mooni.

¹²He kuo kabui au e he gaahi kovi taefaalaua: kuo buke au e he eku gaahi hia, koia oku ikai ai teu faa haga hake; oku lahi hake ia i he gaahi tuoni louulu o hoku ulu: koia kuo liaki au e hoku loto.

¹³E Jihova, ke ke finagalo lelei ke fakamoui au: E Jihova, ke ke fai vave ke tokoni‘i au.

¹⁴Tuku ke ma mo bubutuu fakataha akinautolu kotoabe oku nau kumi hoku laumalie ke fakaauha ia; tuku ke fakafoki kimui mo ma akinautolu oku nau holi keu kovi.

¹⁵Tuku ke baea akinautolu koe totogi oe nau kovi, akinautolu oku behe kiate au, Ha, ha.

¹⁶Tuku ke fiefia mo nekeneka iate koe akinautolu kotoabe oku kumi kiate koe: tuku ke lea behe mau ai be akinautolu oku ofa ki hoo fakamoui, Ke ogoogolelei a Jihova.

¹⁷Ka ko au oku ou majiva mo baea; ka oku finagalo ae Eiki kiate au: ko koe ko hoku tokoni mo hoku fakamoui; oua naa ke fakatuai, E hoku Otua.