KOE GAAHI SAME 41:1-13 TON1884 - Bible AI

¹1 Koe tokaga ae Otua ki he majiva. 4 Oku lāuga a Tevita i he kākā a hono gaahi fili. 10 Oku ne hola ki he Otua ke ne malu‘i ia. OKU monuia ia aia oku tokaga ki he majiva: e fakamoui ia e Jihova he aho oe kovi.

²E tauhi ia e Jihova, mo bule ke moui ia; bea te ne monuia i mamani: bea e ikai te ke tukuage ia ki he loto o hono gaahi fili.

³E fakamalohi ia e Jihova i he tokotoaga fakamamahi: te ke gaohi hono mohega kotoabe i hono mahaki.

⁴Naaku behe, E Jihova, ke ke aloofa mai kiate au: fakamoui hoku laumalie; he kuou fai agahala kiate koe.

⁵Oku lauikovi‘i au e hoku gaahi fili: E mate afe ia, bea auha hono higoa?

⁶Bea kabau e ha‘u ia ke vakai au, oku ne lea loi: oku tanaki e hono loto kiate ia ae kovi; oku alu ia kituaa, o fakaha ia.

⁷Oku fefanafanahi kiate au akinautolu kotoabe oku fehia kiate au: oku nau fakakaukau kovi kiate au.

⁸Oku nau behe, Oku biki ma‘u kiate ia ae mahaki kovi: bea ko ene tokoto ni e ikai te ne toe tuu hake mei ai.

⁹Io, ko hoku kaumea mooni, aia naaku falala ki ai, aia naa ne kai i he eku ma, kuo hiki hake eia hono mui va‘e kiate au.

¹⁰Ka ko koe, E Jihova, ke ke aloofa kiate au, mo fokotuu hake au, bea teu totogi kiate kinautolu.

¹¹Oku ou ilo i he mea ni oku ke finagalo lelei kiate au, koeuhi oku ikai kalaga i he fiefia a hoku fili kiate au.

¹²Bea ko au, oku ke boubou hake au i he eku agatonu, bea te ke fokotuu au i ho ao o taegata.

¹³Fakafetai kia Jihova koe Otua o Isileli talu mei mua, o taegata. Emeni, mo Emeni.