KOE GAAHI SAME 42:1-11 TON1884 - Bible AI

¹1 Koe holi a Tevita ke tauhi ae Otua i hono fale tabu. 5 Oku ne eginaki‘i hono laumalie ke falala ki he Otua. OKU hage koe holi ae hainiti ki he gaahi tafeaga vai, oku behe ae holi a hoku laumalie kiate koe, E Otua.

²Oku holi hoku laumalie ki he Otua, ki he Otua moui: teu hoko afe o fakaha au i he ao oe Otua?

³Ko eku mea kai i he aho moe bo a hoku gaahi loimata, lolotoga oku nau behe mau ai be kiate au, Koefe ho Otua?

⁴I he eku manatu ki he gaahi mea ni, oku ou liligi hoku laumalie iate au: he naaku faa alu moe toko lahi, naaku alu mo kinautolu ki he fale oe Otua, i he le‘o oe fiefia moe fakafetai, moe toko lahi nae tauhi ae aho tabu.

⁵Koeha oku ke mabelu ai ki lalo, E hoku laumalie? bea koeha kuo ke maveuveu ai i loto iate au? ke ke amanaki lelei ki he Otua? he koe mooni teu fakafetai kiate ia i he gaahi fakamoui o hono fofoga.

⁶E hoku Otua, oku mabelu ki lalo hoku laumalie i loto iate au: koia teu manatu ai kiate koe mei he fonua o Joatani, bea mo Heamoni, moe mouga jii ko Maisa.

⁷Oku ui ae loloto ki he loloto i he logoaa o hoo gaahi ahiohio vai oku lomaki‘i au e hoo gaahi beau kotoabe mo hoo gaahi galu.

⁸Ka koe mooni e fekau mai e Jihova a ene aloofa i he aho, bea e iate au ene hiva i he bouli, mo eku lotu ki he Otua o eku moui.

⁹Teu behe ki he Otua ko hoku makatuu, Koeha kuo ke fakagalo‘i ai au? koeha oku ou alu mamahi be i he taomia e he fili?

¹⁰Koe manuki a hoku gaahi fili, oku hage koe heleta kuo uhu ki hoku gaahi hui; i he e nau behe mai kiate au i he aho kotoabe, Koefe ho Otua?

¹¹Koeha oku ke mabelu ai ki lalo, E hoku laumalie? bea koeha oku ke maveuveu ai i loto iate au? ke ke amanaki lelei ki he Otua: he koe mooni teu fakafetai kiate ia, aia koe fakamoui o hoku mata, mo hoku Otua.