KOE GAAHI SAME 46:1-11 TON1884 - Bible AI

¹1 Koe tui ae jiaji ki he Otua, 8 moe eginaki he vakai ki ai. KOE Otua ko ho tau hufaga moe malohi, koe tokoni lahi bea ofi i he mamahi.

²Koia e ikai ai te tau manavahe, o kabau n e hiki a mamani, bea kabau e hiki ae gaahi mouga ki he loto tahi;

³Kabau e uulu bea hou a hono gaahi vai, bea galulu ae gaahi mouga i he ene mahakehake. Sila.

⁴Oku ai ha vaitafe, ko hono magaivai oia te ne fakafiefia‘i ae kolo oe Otua, koe botu maonioni oe gaahi fale fehikitaki oe Fugani Maoluga.

⁵Oku i loto iate ia ae Otua; e ikai ue‘i ia: e tokoni ia e he Otua, i he hoko mai ae bogibogi.

⁶Nae matalili ae hiteni, nae gau‘eu‘e ae gaahi buleaga: naa ne fakaogo atu hono le‘o, bea vela o vai a mamani.

⁷Ko Jihova oe gaahi kau tau oku iate kitautolu; koe Otua o Jekobe ko ho tau hufaga. Sila.

⁸Ha‘u, o vakai ki he gaahi gaue a Jihova, ae gaahi fakaauha kuo ne fai i mamani.

⁹Oku ne fakaoji ae gaahi tau o a‘u ki he gataaga o mamani; oku ne feji‘i ae kaufana, o ne tutuu ke motuua ae tao; oku ne tutu ae saliote i he afi.

¹⁰Mou logo be, bea ilo ko au koe Otua: teu hakeaki‘i au i he lotolotoga oe hiteni, teu hakeaki‘i au i mamani.

¹¹Ko Jihova oe gaahi kau tau oku iate kitautolu; koe Otua o Jekobe ko ho tau hufaga. Sila.