KOE GAAHI SAME 47:1-9 TON1884 - Bible AI

¹Koe eginaki ki he gaahi buleaga ke nau fiefie ma‘u ae buleaga o Kalaisi. MOU bajibaji ho mou nima, ae kakai kotoabe; kalaga ki he Otua i he le‘o oe fiefia.

²He ko Jihova fugani maoluga oku fakailifia ia; koe Tu‘i lahi ia ki mamani kotoabe.

³Te ne fakavaivai ae kakai kiate kitautolu, moe gaahi buleaga ki ho tau lalo va‘e.

⁴Te ne fili ho tau tofia ma atautolu, koe lelei o Jekobe aia oku ne ofa ki ai. Sila.

⁵Kuo haele hake ae Otua i he mavava, ko Jihova moe le‘o oe mea lea.

⁶Hiva fakamalo ki he Otua, hiva fakamalo: hiva fakamalo ki ho tau Tu‘i, hiva fakamalo.

⁷He koe Otua koe Tu‘i ia o mamani kotoabe: mou hiva fakamalo i he boto.

⁸Oku bule ae Otua ki he hiteni: oku afio ae Otua i he afioaga o ene maonioni.

⁹Kuo katoa fakataha ae houeiki oe kakai, io, koe kakai ae Otua o Ebalahame: oku i he Otua ae gaahi fakaū o mamani: oku maoluga lahi aubito ia.