KOE GAAHI SAME 48:1-14 TON1884 - Bible AI

¹Koe teuga moe lelei oe jiaji. OKU lahi a Jihova, bea oku lelei ke fakamalo lahi kiate ia i he kolo a ho tau Otua, i he mouga o ene maonioni.

²Koe tuuga matamata lelei ae mouga ko Saione, koe fiefiaaga o mamani kotoabe, oku i hono botu tokelau ae kolo oe Tu‘i lahi.

³Oku ilo ae Otua koe hufaga i hono gaahi fale lahi oia.

⁴Bea, vakai, nae fakataha ae gaahi tu‘i, naa nau alu atu fakataha.

⁵Naa nau mamata ai, bea nau ofo; naa nau mamahi, bea hola.

⁶Nae tuia akinautolu i ai i he manavahe, moe mamahi, o hage koe fefine oku laga.

⁷Oku ke maumau‘i ae gaahi vaka o Tasisi aki ae matagi hahake.

⁸Hage koia naa mau fanogo, kuo behe e mau mamata i he kolo a Jihova oe gaahi kau tau, i he kolo a ho tau Otua: e fakatuu mau ia e he Otua o taegata. Sila.

⁹Kuo mau manatu ki hoo aloofa, E Otua, i ho loto fale tabu.

¹⁰O hage ko ho huafa, e Otua, oku behe ho ogoogolelei ki he gaahi gataaga o mamani; oku bito ho nima toomatau i he maonioni.

¹¹Tuku ke fiefia ae mouga ko Saione, tuku ke nekeneka ae gaahi ofefine o Juta, koe mea i hoo gaahi fakamāu.

¹²Mou eveeva takatakai i Saione, o alu fakatakamilo iate ia: lau hono gaahi fale maoluga oia.

¹³Mou vakai lelei ki hono gaahi buke, tokaga ki hono gaahi fale lahi; koeuhi ke mou tala ia ki he toutagata e hoko.

¹⁴He koe Otua ni ko ho tau Otua o lauikuoga bea taegata: te ne tauhi akitautolu o a‘u ki he mate.