KOE GAAHI SAME 49:1-20 TON1884 - Bible AI

¹1 Koe eginaki he fokotuu ae tui ki he toetuu i he Otua, kae ikai i he malohi fakamama. 16 Oua naa ofa ki he monuia fakamama. MOU fanogo ki he mea ni, ae kakai kotoabe; fakafanogo, akimoutolu kotoabe oku nofo i mamani:

²Ae maulalo moe maoluga, ae ma‘umea moe majiva, fakataha.

³E lea hoku gutu i he boto; bea e kau ki he ilo ae fakakaukau a hoku loto.

⁴Teu fakatokaga‘i hoku teliga ki he lea fakatātā: teu fakaha i he haabe eku lea ilogataa.

⁵Koeha teu manavahe ai i he gaahi aho oe kovi, oka takatakai au e he hia o hoku va‘e?

⁶Ko kinautolu oku falala ki he e nau malohi, o bolebole i hono lahi oe nau koloa;

⁷Oku ikai aubito faa fai e ha nau toko taha ke huhui hono tokoua, be atu ki he Otua hano totogi:

⁸(He koe huhui o ho nau laumalie oku mahuiga lahi, bea oku tuku ai be ia o taegata:)

⁹Koeuhi ke ne kei moui mau ai be, bea ikai ilo ae auauha.

¹⁰He oku ne mamata oku mate ae kau tagata boto, bea oku auha foki ae tagata vale bea moe taeilo, o nau tuku e nau koloa ki he kakai kehe.

¹¹Oku mahalo a ho nau loto, e tuu mau be ho nau fale o taegata, mo ho nau gaahi nofoaga ki he toutagata kotoabe; oku nau fakahigoa ho nau abi ki ho nau higoa onautolu.

¹²Ka koe mooni koe tagata oku maoluga oku ikai tuu mau ia: oku tatau ia moe faga manu oku auha.

¹³Bea ko ho nau hala ni koe nau vale ia: ka oku malieia ho nau hako i he e nau gaahi lea. Sila.

¹⁴Kuo tuku akinautolu ki he faitoka o hage koe faga sibi; e fafaga aki ae mate akinautolu; bea e ma‘u ae malohi kiate kinautolu e he kakai agatonu i he bogibogi; bea e auha ho nau matamata lelei i he faitoka mei ho nau nofoaga.

¹⁵Ka e huhui hoku laumalie e he Otua mei he malohi oe faitoka: he te ne ma‘u au. Sila.

¹⁶Oua naa ke manavahe koe oka hoko o koloaia ha toko taha, i he tubu be ae nāunāu o hono fale;

¹⁷He oka mate ia e ikai te ne fua o ave ha mea e taha: e ikai muimui hifo iate ia hono nāunāu.

¹⁸Ka i he ene moui naa ne tabuaki hono laumalie: bea e fakamalo ae kakai kiate koe, oka ke ka fai lelei kiate koe.

¹⁹E alu ia ki he toutagata o ene gaahi tamai; e ikai te nau mamata ki he māma.

²⁰Koe tagata oku maoluga, ka oku ikai boto, oku tatau ia moe faga manu oku auha.