KOE GAAHI SAME 5:1-12 TON1884 - Bible AI

¹1 Oku lotu a Tevita, bea fakaha ene fakalaulauloto i he lotu. 4 Oku ikai fiemalie ae Otua ki he kau agahala. 7 Oku fakaha e Tevita ene tui, bea lotu ki he Otua ke ne tataki ia, 10 bea fakaauha hono gaahi fili, 11 mo fakamoui ae maonioni. KE ke fofoga mai ki he eku gaahi lea, E Jihova, tokaga ki he eku fakalaulauloto.

²Ke ke fanogo ki he le‘o o eku tagi, E hoku tu‘i, mo hoku Otua: he teu lotu be kiate koe.

³Ko hoku le‘o te ke ogo‘i E Jihova, i he bogibogi; i he bogibogi teu o hake eku lotu kiate koe, beau haga hake.

⁴He oku ikai koe Otua koe oku fiemalie i he agahala: bea e ikai nonofo mo koe ae kovi.

⁵E ikai tuu i ho ao ae kau vale: oku ke fehia ki he kakai fai kovi kotoabe.

⁶Te ke fakaauha akinautolu oku lea loi: e fākalilia a Jihova ki he tagata bani toto mo kākā.

⁷Ka ko au, teu hu ki ho fale i he lahi o hoo aloofa: bea i he manavahe kiate koe teu hu i he fale tabu o hoo maonioni.

⁸Tataki au, E Jihova, i hoo maonioni koeuhi ko hoku gaahi fili; fakatotonu ho hala i hoku mata.

⁹He oku ikai ha mooni i ho nau gutu; oku matuaki kovi ho nau loto; ko ho nau kia koe fonualoto kuo matagaki; oku nau labu aki ho nau elelo.

¹⁰Ke ke fakaauha akinautolu, E Otua; tuku ke nau higa i he e nau gaahi fakakaukau anautolu; ke ke li kitua akinautolu i he lahi oe nau talagataa; he kuo nau agatuu kiate koe.

¹¹Kae tuku ke fiefia akinautolu kotoabe aia oku falala kiate koe: ke nau kalaga mau ai be i he fiefia, koe mea i hoo malu‘i akinautolu: tuku ke fiefia iate koe akinautolu oku ofa ki ho huafa.

¹²He ko koe, E Jihova, te ke tabuaki ae maonioni; te ke kabui aki ia ae ofa o hage koe fakāu.