KOE GAAHI SAME 50:1-23 TON1884 - Bible AI

¹Koe nāunāu oe Otua i he jiaji, 5 mo ene fekau ke tanaki ae kakai maonioni. 7 Oku ikai fiemalie ae Otua i he gaahi feilaulau, 14 ka i he mooni oe talagofua. KUO folofola a Jihova, koe Otua Mafimafi, o ui ki mamani ki he botu hoboaga oe laa o a‘u atu ki hono toaga.

²Mei Saione, koe fugani oe matamata lelei haohaoa, kuo ulo ae Otua.

³E haele mai ho tau Otua, bea e ikai fakalogobe: e fakaauha e he afi i hono ao, bea e takatakai ia e he afā lahi.

⁴Te ne ui ki he gaahi lagi mei oluga, bea ki mamani, koeuhi ke ne fakamāu hono kakai.

⁵Tanaki fakataha kiate au eku kakai maonioni; akinautolu kuo fai ae fuakava mo au i he feilaulau.

⁶Bea e fakaha e he gaahi lagi ene maonioni: he koe Otua be koe fakamāu. Sila.

⁷Fanogo mai, E hoku kakai, bea teu lea; bea teu fakababau kiate koe, E Isileli: ko au koe Otua, io ko ho Otua.

⁸E ikai teu valoki‘i koe koeuhi ko hoo gaahi feilaulau be ko hoo gaahi feilaulau tutu, ke fai mau be i hoku ao.

⁹E ikai teu too ha bulu mei ho fale, be ha koji tagata mei ho gaahi loto a.

¹⁰He oku aaku ae manu kotoabe oe vao, moe faga manu i he mouga e afe.

¹¹Oku ou ilo ae manu buna kotoabe oe gaahi mouga: bea oku aaku ae gaahi manu kaivao kotoabe oe goue.

¹²Kabau teu fiekaia, e ikai teu tala kiate koe: he oku aaku a mamani, mo hono mahu oia.

¹³He teu kai e au ae kakano oe faga bulu tagata, be inu ae toto oe faga koji?

¹⁴Atu ae fakafetai ki he Otua; mo ke fai hoo gaahi fuakava ki he Fugani Maoluga:

¹⁵Bea ke ui kiate au i he aho oe mamahi: teu fakamoui koe, bea te ke fakaogoogolelei‘i au.

¹⁶Ka oku behe e he Otua ki he agakovi, Koeha oku ke kau ai koe ke tala eku gaahi fekau, bea ke ai i ho gutu eku fuakava?

¹⁷He oku ke fehia ki he akonaki, mo ke liaki eku gaahi lea ki ho tua.

¹⁸I hoo mamata ki ha kaihaa, naa ke loto leva kiate ia, bea naa ke kau moe kau tonofefine.

¹⁹Oku ke tuku ho gutu ki he kovi, bea oku fakatubu e ho elelo ae kākā.

²⁰Oku ke nofo o lauikovi‘i ho tokoua; oku ke fakakovi‘i ae tama a hoo fa‘e aau.

²¹Naa ke fai ae gaahi mea ni, bea neu fakalogobe; naa ke mahalo oku ou hage tofu be ko koe: ka teu valoki‘i koe, o fokotuu ia i ho ao.

²²Koeni, mou tokaga ki he mea ni, akimoutolu oku fakagalogalo‘i ae Otua, telia naaku haehae ke fakaikiiki akimoutolu, bea e ikai ha taha ke fakamoui.

²³Ko ia oku ne atu ae fakafetai oku ne fakaogoogolelei‘i au: bea ko ia oku ne fakatonutonu hono hala teu fakaha kiate ia ae fakamoui oe Otua.