KOE GAAHI SAME 55:1-23 TON1884 - Bible AI

¹1 Oku hanu a Tevita i he ene lotu i he ene tuutamaki lahi. 9 Oku lotu ia koeuhi koe kovi moe kākā a hono gaahi fili. 16 Oku ne fakafiemalie‘i ia i he Otua i he ene fakamoui ia, mo veuveuki hono gaahi fili. FAKAFANOGO ki he eku lotu, E Otua; bea oua naa ke fufu koe mei he eku lotu tāumau.

²Afio mai kiate au, mo ke ogo‘i au: oku au lāuga i he eku mamahi, bea tagi kalaga;

³Koeuhi koe le‘o oe fili, koeuhi koe taomia e he kau agakovi: he kuo nau tuku ae hia kiate au, bea i he ita oku nau fehia kiate au.

⁴Oku mamahi lahi hoku loto iate au: bea kuo to kiate au ae gaahi fakailifia oe mate.

⁵Kuo hoko kiate au ae manavahe moe tetetete, bea kuo lomaki‘i au e he lilika.

⁶Bea naaku behe, Taumaiā keu ma‘u ae kabakau o hage koe lube! koeuhi keu buna atu, bea fiemalie ai.

⁷Vakai, teu alu o he ki he mamao, beau nofo i he toafa. Sila.

⁸Teu alu fakatootoo o hao mei he matagi lahi moe afā.

⁹Fakaauha, E Jihova, bea vahevahe ho nau elelo: he naaku mamata ki he fakamalohi moe fekeikei i he kolo.

¹⁰Oku nau alu fano ai i he gaahi a oia i he aho moe bo: oku i loto i ai ae bauu moe mamahi.

¹¹Oku i ai ae kovi: oku ikai mahui mei hono gaahi hala ae fakamalohi moe kākā.

¹²He nae ikai ko ha fili aia naa ne lauikovi‘i au; ka ne behe, teu faa kataki ia: bea nae ikai ko ia oku ne fehia kiate au aia kuo hiki hake ia kiate au; ka ne behe, teu faa fufu au meiate ia:

¹³Ka ko koe ia, koe tagata oku ta tatau, ko hoku fakahinohino, mo hoku kaumea.

¹⁴Naa ta alea lelei mo au, bea alu fakataha ki he fale oe Otua.

¹⁵Ke buke akinautolu e he mate, bea tuku ke alu vave hifo akinautolu ki hetesi: he oku i ho nau gaahi nofoaga, bea iate kinautolu ae kovi.

¹⁶Ka ko au teu ui ki he Otua; bea e fakamoui au e Jihova.

¹⁷I he efiafi, moe bogibogi, moe hoata, teu lotu, mo tagi le‘o lahi: bea te ne ogo‘i hoku le‘o.

¹⁸Kuo ne fakamoui hoku laumalie i he melino mei he tau nae tuu hake kiate au: he nae iate au ae toko lahi.

¹⁹E ogo‘i e he Otua, aia oku afio talu mei mua, bea te ne tautea akinautolu. Sila. Koeuhi oku ikai te nau feliliuaki, koia oku ikai te nau manavahe ai ki he Otua.

²⁰Naa ne mafao atu hono nima kiate kinautolu aia nae nonofo i he melino mo ia: kuo maumau‘i eia ene fuakava.

²¹Koe gaahi lea a hono gutu nae molemole lahi hake i he bota, ka nae i hono loto ae tau: nae molu lahi ene gaahi lea i he lolo, ka koe mooni koe gaahi heleta ia kuo unuhi.

²²Ke ke tuku hoo kavega kia Jihova, bea te ne boubou koe: e ikai aubito te ne tuku ke gau‘e ae kakai maonioni.

²³Ka ko koe, E Otua, te ke o hifo akinautolu ki he luo oe fakaauha: koe kau tagata bani toto mo kākā e ikai te nau aujia hono vaeuaaga o ho nau gaahi aho; ka teu falala kiate koe.