KOE GAAHI SAME 56:1-13 TON1884 - Bible AI

¹1 Oku lotu a Tevita ki he Otua, o tui ki he ene folofola, bea hanu koeuhi ko hono gaahi fili. 9 Oku fakaha ene falala ki he folofola ae Otua, o ne behe, te ne fakamalo kiate ia. KE ke aloofa kiate au, E Otua: ke oku fie folo hifo au e he tagata; oku ne tau‘i au i he aho kotoa, o ne taomia au.

²Koe loto o hoku gaahi fili i he aho kotoabe ke folo hifo au: he oku toko lahi akinautolu oku tau‘i au, E Fugani Maoluga.

³I he aho oku ou manavahe ai, teu falala kiate koe.

⁴Teu fakamalo ki he Otua i he ene folofola; oku ou falala ki he Otua; e ikai teu manavahe ki he mea e faa fai e he kakai kiate au.

⁵Oku nau fakakehe eku gaahi lea i he aho kotoabe: koe nau fakakaukau kotoabe keu kovi ai au.

⁶Oku nau fakataha akinautolu, oku nau fakafufu akinautolu, oku nau vakai hoku aluaga, i he e nau holi ki he eku moui.

⁷Te nau hao koa i he e nau hia i E Otua, ke ke li ki lalo ae kakai i he houhau.

⁸Oku ke lau a eku alu fano be: ke ke utu hoku gaahi loimata ki hoo hina: ikai oku nau tuu i hoo tohi?

⁹O kau ka tagi kiate koe, e foki kimui ai a hoku gaahi fili: oku ou ile ae mea ni; he oku iate au ae Otua.

¹⁰Teu fakamalo ki he Otua i he ene folofola: teu fakamalo kia Jihova i he ene folofola.

¹¹Kuou falala ki he Otua: e ikai teu manavahe ki ha mea e faa fai e he tagata kiate au.

¹²E Otua, oku iate au hoo gaahi fuakava: teu atu ae fakamalo kiate koe.

¹³He kuo ke fakamoui hoku laumalie mei he mate: bea ikai te ke fakahaofi hoku va‘e mei he higa, koeuhi keu eveeva i he ao oe Otua i he māma oe kakai moui?