KOE GAAHI SAME 57:1-11 TON1884 - Bible AI

¹1 Oku hola a Tevita ki he Otua o lotu, bea hanu i he ene tuutamaki. 7 Oku ne eginaki‘i ia ke falala ki he Otua. KE ke aloofa kiate au, E Otua, ke ke aloofa kiate au: he oku falala hoku laumalie kiate koe: io, bea teu hufaga i he malu o ho kabakau, ke oua ke mole o gata ae gaahi kovi ni.

²Teu tagi ki he Otua fugani maoluga, ki he Otua oku fai ae gaahi mea kotoabe maaku.

³Bea te ne fekau mei he lagi, o fakamoui au mei he lauikovi oia oku ne fie folo au ke oji. Sila. E fekau atu e he Otua ene aloofa mo ene mooni.

⁴Oku i he lotolotoga oe faga laione hoku laumalie: bea oku ou tokoto mo kinautolu kuo vela, io, ae gaahi foha oe tagata, ko ho nau nifo koe gaahi tao moe gahau, bea ko ho nau elelo koe heleta majila.

⁵E Otua, ke maoluga lahi hake koe i he gaahi lagi; tuku ke maoluga hake ho nāunāu i mamani kotoabe.

⁶Kuo nau teuteu ae kubega ki hoku tuuga va‘e; kuo mabelu ki lalo hoku laumalie: naa nau keli ae luo i hoku ao, bea kuo to ki ai akinautolu. Sila.

⁷Oku mau hoku loto, E Otua, oku mau hoku loto: teu hiva mo atu ae fakamalo.

⁸Ke a hake, a hoku nāunāu; a hake, ae saliteli moe haabe: teu a hegihegi hake be au.

⁹E Eiki, teu fakamalo kiate koe i he ao oe kakai: teu hiva kiate koe i he gaahi buleaga.

¹⁰He oku lahi hoo aloofa o a‘u ki he gaahi lagi, mo hoo mooni ki he gaahi ao.

¹¹E Otua, ke maoluga lahi hake koe i he gaahi lagi: tuku ke maoluga hake ho nāunāu i mamani kotoabe.