KOE GAAHI SAME 6:1-10 TON1884 - Bible AI

¹1 Koe tagi a Tevita i hono mahaki. 8 I he ene tui oku ne fiefa ki hono gaahi fili. E JIHOVA, oua naa ke valoki‘i au i ho houhau, be tautea au i ho houhau vela.

²Aloofa mai kiate au, E Jihova; he oku ou vaivai: E Jihova, fakamoui au; he kuo mamahi hoku gaahi hui.

³Oku mamahi lahi foki mo hoku laumalie: ka ko koe, E Jihova, e fefe hono fuoloa?

⁴Tafoki mai, E Jihova, fakahaofi hoku laumalie: oiaue, fakamoui au koeuhi ko hoo aloofa.

⁵He oku ikai ha fakamanatu kiate koe i he mate: kohai te ne fakafetai kiate koe i he faitoka?

⁶Kuou vaivai i he eku faa to‘e; oku ou fakatētē hoku mohega i he bo kotoa; oku ou fakaviviku a hoku mohega aki hoku loimata.

⁷Kuo tutue hoku mata koe mea i he mamahi; oku fakaaau ke motua ia koeuhi ko hoku gaahi fili.

⁸Alu iate au, akimoutolu kotoabe oku fai kovi; he kuo ogo‘i e Jihova ae le‘o o eku tagi.

⁹Kuo fanogo a Jihova ki he eku hu tāumau; bea e ma‘u e Jihova a eku lotu.

¹⁰Tuku ke ma mo mamahi lahi a hoku gaahi fili kotoabe: tuku ke nau foki bea ma fakafokifabe.