KOE GAAHI SAME 60:1-12 TON1884 - Bible AI

¹1 Oku hanu a Tevita ki he Otua i he fakamāu i mua. 4 Oku ne lotu ke moui, bea amanaki lelei ki ai. 6 Oku ne fakafiemalie‘i ia i he gaahi talaofa ae Otua, aia oku ne falala ki ai. E OTUA, kuo ke liaki akimautolu; kuo ke veteki akimautolu; naa ke houhau; ke ke toe tafoki mai kiate kimautolu.

²Kuo ke lulu ae fonua ke tetetete; kuo mafahifahi ia: ke ke fakalelei hono gaahi maumau; he oku galulu ia.

³Kuo ke fakaha ae gaahi mea faigataa ki hoo kakai; kuo ke fakainu aki akimautolu ae uaine fakaofo.

⁴Kuo ke foaki ae fuka kiate kinautolu nae manavahe kiate koe, ke fakaha ia koeuhi koe mooni. Sila.

⁵Koeuhi ke hao aia oku ke ofa ai; ke ke fakamoui aki ho nima toomatau, o fanogo kiate au.

⁶Kuo folofola ae Otua i he ene maonioni; teu fiefia, teu vaeua a Sikemi, o fuofua ae luo o Sukote.

⁷Oku ooku a Kiliati, bea ooku mo Manase; koe malohi foki o hoku ulu a Ifalemi; ko eku fai fono a Juta;

⁸Ko eku ibu kaukauaga a Moabe; teu li hoku tobuva‘e ki oluga ki Itomi: Filisitia, ke ke vikiviki koe koeuhi ko au.

⁹Kohai te ne omi au ki ke kolo malohi? kohai te ne autaki au ki Itomi?

¹⁰E Otua, e ikai te ke fai ia, akoe kuo ke liaki akimautolu? akoe, E Otua, nae ikai te ke alu moe mau gaahi kau tau?

¹¹Ke ke tuku kiate kimautolu ae tokoni mei he mamahi: he oku taeaoga ae tokoni ae tagata.

¹²Koe mea i he Otua te tau fai malohi ai: he ko ia ia te ne malaki hifo ho tau gaahi fili.