KOE GAAHI SAME 61:1-8 TON1884 - Bible AI

¹1 Oku hola a Tevita ki he Otua i he ene ilo ene faa lokoni kiate ia. 4 Oku ne fuakava ke tauhi mau ai be kiate ia, koeuhi ko ene gaahi talaofa. E OTUA, ke ke fanogo ki he eku tagi; tokaga ki he eku lotu.

²Teu tagi kiate koe mei he gataaga o mamani, oka taomia hoku loto: ke ke tataki au ki he maka oku maoluga hake iate au.

³He naa ke hoko ko hoku ugaki‘i, koe fale maoluga bea malohi ki he fili.

⁴Teu nofo mau i ho fale fehikitaki o taegata: teu falala ki he malu o ho kabakau. Sila.

⁵He kuo ke fanogo ki he eku gaahi fuakava, E Otua: kuo ke foaki kiate au ae tofia okinautolu oku manavahe ki ho huafa.

⁶Te ke fakatologa ae moui ae tu‘i: mo hono gaahi ta‘u o hage mei he toutagata ki he toutagata.

⁷E nofo mau ia i he ao oe Otua taegata: ke ke teuteu ae aloofa moe mooni aia te na fakamoui ia.

⁸Koia teu hiva fakamalo ai ki ho huafa o taegata, koeuhi keu fai ki he eku gaahi fuakava i he aho kotoabe.