KOE GAAHI SAME 62:1-12 TON1884 - Bible AI

¹1 Oku fakaha e Tevita ene falala ki he Otua, bea ne valoki hono gaahi fili. 5 Oku ne tokoni ki he agalelei. 9 Oku taeaoga ke falala ki he gaahi mea fakamama. 11 Oku i he Otua ae mafimafi moe aloofa. KOE mooni oku tatali hoku laumalie ki he Otua: oku meiate ia hoku fakamoui.

²Ko ia be ko hoku makatuu mo hoku fakamoui; ko hoku hufaga ia; e ikai faa ue‘i lahi au.

³E fefe hono fuoloa mo hoo mou kei filioi kovi ki he tagata? e tamate‘i akimoutolu kotoabe: te mou hage koe a kuo malele, moe a oku tuu tetetete.

⁴Oku nau fakakaukau ke tulaki hifo ia mei he ene lelei: oku nau fiemalie be i he loi: oku nau tabuaki aki ho nau gutu, ka oku nau kabe i loto. Sila.

⁵E hoku laumalie, ke ke tatali be ki he Otua; he oku meiate ia eku amanaki lelei.

⁶Ko ia be ko hoku makatuu mo hoku fakamoui: ko hoku hufaga ia; e ikai faa ue‘i au.

⁷Oku i he Otua a hoku fakamoui mo eku fiefia: koe makatuu o hoku malohi, mo hoku hufaga oku i he Otua.

⁸Falala mau ai be kiate ia; akimoutolu ae kakai, liligi ho mou loto i hono ao: koe hufaga ae Otua kiate kitautolu. Sila.

⁹Koe mooni koe mea vaiga be ae kau tagata maulalo, bea koe mea loi ae kau tagata maoluga: kabau e ai ki he mea fakamamafa, oku nau maamaa lahi hake kotoabe i he mea vaiga.

¹⁰Oua naa falala ki he fakamalohi, bea oua naa viki i he kaihaa: kabau oku tubu ae koloa, oua naa tuku ho mou loto ki ai.

¹¹Kuo folofola ae Otua o tuo taha; bea nae tuo ua a eku fanogo eni; oku i he Otua ae malohi.

¹²Bea oku iate koe foki, E Eiki, ae aloofa: he oku ke age ki he tagata taki taha kotoabe o fakatatau ki he ene gaue.