KOE GAAHI SAME 65:1-13 TON1884 - Bible AI

¹1 Oku fakamalo a Tevita ki he Otua koeuhi ko ene ofa. 4 Koe monuia o kinautolu kuo fili e he Otua koeuhi koe gaahi foaki. E OTUA, oku tatali ae fakamalo kiate koe i Saione: bea e fai kiate koe ae fuakava.

²Akoe oku ke ogo‘i ae lotu, e a‘u atu kiate koe ae kakai kotoabe.

³Oku malohi kiate au ae gaahi hia: bea koe mau gaahi talagataa te ke fakamaa ia ke oji.

⁴Oku monuia ia aia oku ke fili, mo ke fakaofi ia kiate koe, koeuhi ke ne nofo i ho lotoa: te mau fiemalie i he lelei o ho fale, io, o ho fale tabu maonioni.

⁵E Otua ko ho mau fakamoui, te ke talia akimautolu i he gaahi mea fakamanavahe i he maonioni; akoe koe amanaki leleiaga oe gaahi gataaga kotoabe o mamani, bea mo kinautolu oku mamao atu i he tahi:

⁶Aia oku ne fokotuu mau ae gaahi mouga i hono malohi; kuo nonoo aki ae mafimafi:

⁷Aia oku ne lolomi ae logoaa oe gaahi tahi, koe logoaa oe gaahi beau, moe maveuveu oe kakai.

⁸Bea oku manavahe i ho gaahi fakailoga akinautolu oku nofo i he gaahi botu mamao: oku ke fakafiefia‘i ae gaahi aluaga oe bogibogi moe efiafi.

⁹Oku ke aahi ki he fonua, o fakaviviku ia: oku ke fakakoloa lahi aki ia ae vaitafe oe Otua, aia oku bito i he vai: oku ke teu‘i e nau meakai, hili hoo tokonaki behe ki ai.

¹⁰Oku ke fakaviviku lahi hono tafugofuga oia: oku ke bule ke to ae uha ki hono gaahi keli: oku ke fakamolu aki ia ae uha tuu mo to: oku ke tabuaki hono tubu oia.

¹¹Oku ke tatā aki ae ta‘u a hoo agalelei; bea oku gagana mei ho gaahi hala ae momona.

¹²Oku gagana ia ki he gaahi botu mohuku oe toafa: bea fiefia ae gaahi tafugofuga i he botu kotoabe.

¹³Kuo fakakofu aki ae faga sibi ae gaahi botu mohuku; bea kuo ufiufi foki ae gaahi luo aki ae uite; oku nau kalaga i he fiefia, oku nau hiva foki.