KOE GAAHI SAME 66:1-20 TON1884 - Bible AI

¹1 Oku eginaki‘i e Tevita ke fakamalo ki he Otua, 5 ke tokaga ki he ene gaahi gaue lahi, 8 ke fakafetai kiate ia i he ene gaahi tabuaki. 12 Oku fuakava ia ke ne tauhi ae Otua. 16 Oku ne fakaha ae agalelei ae Otua kiate ia. MOU kalaga fiefia ki he Otua, ae fonua kotoabe:

²Hiva aki ae ogoogolelei o hono huafa fakaogoogolelei ae fakamalo kiate ia.

³Mou behe ki he Otua, Oku ke fakamanavahe koe i hoo gaahi gaue! koe mea i hono lahi o hoo mafimafi e faka moulaloa ai ekinautolu e ho gaahi fili kiate koe.

⁴E hu a mamani kotoabe kiate koe, o nau hiva kiate koe; te nau hiva ki ho huafa. Sila.

⁵Ha‘u o mamata ki he gaahi gaue ae Otua: oku fakamanavahe ia i he ene gaue ki he gaahi fānau ae tagata.

⁶Naa ne liliu ae tahi koe fonua momoa: naa nau alu i he fuu vaitafe i ho nau va‘e: naa tau fiefia iate ia i ai.

⁷Oku bule ia i he ene mafimafi o taegata; oku vakai e hono fofoga ki he gaahi buleaga: oua naa hiki hake akinautolu e he kau agatuu. Sila.

⁸Akimoutolu ae kakai, mou fakafetai ki ho tau Otua, bea fai ke ogo ae le‘o oe fakamalo kiate ia:

⁹Aia oku ne boubou ho tau laumalie i he moui, bea ikai tuku ho tau va‘o ke gau‘e.

¹⁰He kuo ke ilo‘i akimautolu, E Otua: kuo ke ahiahi‘i akimautolu, o hage koe ahiahi‘i oe siliva.

¹¹Naa ke omi akimautolu ki he kubega; naa ke ai ae mahaki ki he mau kogaloto.

¹²Naa ke tuku ke laka ae kakai i ho mau ulu; naa mau alu be i he afi moe vai: ka naa ke omi akimautolu ki he botu mahu.

¹³Teu hu ki ho fale moe gaahi feilaulau tutu: teu atu kiate koe o hage ko eku gaahi fuakava,

¹⁴Aia kuo ogo atu mei hoku lougutu, bea lea aki e hoku gutu, i he eku i he mamahi.

¹⁵Teu atu kiate koe ae gaahi feilaulau tutu ae faga manu jino, moe mea namu kakala oe faga sibi tagata; teu atu ae faga bulu moe faga koji. Sila.

¹⁶Ha‘u o fanogo, akimoutolu kotoabe oku manavahe ki he Otua, bea teu fakaha aia kuo ne fai ki hoku laumalie.

¹⁷Naaku tagi kiate ia aki hoku gutu, bea nae fakamalo a hoku elelo kiate ia.

¹⁸Kabau teu tokaga ki he kovi i hoku loto, e ikai fanogo ae Eiki kiate au:

¹⁹Ka koe mooni kuo ogo‘i au e he Otua; nae tokaga ia ki he le‘o o eku lotu.

²⁰Fakafetai ki he Otua, aia nae ikai te ne liaki eku lotu, be ko ene aloofa iate au.