KOE GAAHI SAME 7:1-17 TON1884 - Bible AI

¹1 Oku lotu a Tevita koeuhi koe meheka o hono gaahi fili, o fakaha ene maonioni. 10 Oku ne mamata i he ene tui ki hono hufaga moe fakaauha o hono gaahi fili. E JIHOVA ko hoku Otua, oku ou falala be kiate koe: ke ke fakamoui au meiate kinautolu kotoabe oku fakataga‘i au, mo ke fakahaofi au.

²Telia naa ne haehae hoku laumalie o hage koe laione, o haehae ia ke fakaikiiki, oka ikai ha fakahaofi.

³E Jihova ko hoku Otua, kabau naaku fai eni; kabau oku ai ha agahala i hoku nima;

⁴Kabau neu totogi kovi kiate ia nae nofo i he melino mo au; (io, naaku fakamoui ia aia kuo hoko ko hoku fili tae hano uhiga:)

⁵Tuku ke tuli hoku laumalie e he fili, bea ma‘u ia; io, tuku ke ne molomoloki hifo eku moui i he kelekele, bea fakatokoto hoku ogoogolelei i he efu. Sila.

⁶Tuu hake, E Jihova, i ho houhau, ke ke hiki hake koe, koe mea i he lili o hoku gaahi fili: bea ke a hake koeuhi ko au ki he fakamāu aia naa ke fekau.

⁷Behe e kabui koe e he fakataha oe kakai: koia koe mea iate kinautolu ke ke haele hake ki oluga.

⁸E fakamāu e Jihova ae kakai: ke ke fakamāu au, E Jihova, o fakatatau ki he eku maonioni, bea hage ko eku agatonu oku iate au.

⁹Tuku ke gata ae kovi oe agakovi; ka ke fakatuu mau ae agatonu: he oku ahiahi‘i e he Otua maonioni ae gaahi loto moe gaahi koga loto.

¹⁰Oku i he Otua a hoku fakāu, aia oku ne fakamoui ae kakai agatonu i loto.

¹¹Oku fakamāu e he Otua ae maonioni, bea oku houhau ae Otua ki he agakovi i he aho kotoabe.

¹²Kabau e ikai te ne tafoki, te ne fakamata a ene heleta; kuo ne teteke ene kaufana, o teuteu ia.

¹³Kuo ne teuteu foki kiate ia ae gaahi mea fakabo; oku ne tuutuuni ene gaahi gahau ki he kau fakataga.

¹⁴Vakai, oku laga ia i he agakovi, bea kuo ne tuituia ae agabauu, bea fanau‘i eia ae kākā.

¹⁵Naa ne gaohi ae luo, o keli ia, bea kuo to ia ki he luo naa ne gaohi.

¹⁶E foki ki hono ulu oona a ene agabauu, bea e to hifo ki hono tumuaki oona a ene gaue fakamalohi.

¹⁷Teu fakafetai kia Jihova o fakatatau ki he ene maonioni: bea teu hiva aki ae fakafetai ki he huafa o Jihova oku maoluga taha be.