KOE GAAHI SAME 75:1-10 TON1884 - Bible AI

¹1 Oku fakamalo ae balofita ki he Otua. 2 Oku ne behe, te ne fakamāu maonioni. 4 Oku ne valoki ae laukau koe mea i he bule ae Otua. 9 Oku ne fakamalo ki he Otua, o tokaga ke fai totonu. OKU mau atu ae fakafetai kiate koe, E Otua, oku mau atu ae fakafetai kiate koe: he oku fakaha e hoo gaahi gaue lahi oku ofi ho huafa.

²O kau ka ma‘u ae fakataha teu fakamāu maonioni.

³Kuo movetevete ae fonua mo hono kakai: oku ou boubou hake hono gaahi bou. Sila.

⁴Naaku behe ki he kau vale, Oua naa mou fai fakavalevale: bea ki he kau agakovi, Oua te mou hiki hake ae nifo.

⁵Oua naa hiki ki oluga ho mou nifo: oua te mou lea i he kia kekeva.

⁶He oku ikai ha‘u mei he botu hahake, be mei be botu luluga, be mei he botu toga ae hakeaki‘i.

⁷He koe fakamāu ae Otua: oku o hifo eia ae toko taha, kae fokotuu hake ae toko taha.

⁸He oku i he nima o Jihova ae ibu, bea oku kulokula ae uaine: kuo bito ia i he mea kuo hui ki ai; bea oku liligi eia mei ai: ka ko hono efe oia, e tatau ia e he agakovi kotoabe o mamani, o inu ia.

⁹Ka ko au teu fakaha o taegata; teu hiva aki ae fakamalo ki he Otua o Jekobe.

¹⁰Teu tutuu ke motu ae gaahi nifo oe kau agahala; ka e hakeaki‘i ae gaahi nifo oe kau maonioni.