KOE GAAHI SAME 76:1-12 TON1884 - Bible AI

¹1 Koe fakaha ae mafimafi oe Otua i he jiaji, 11 moe eginaki ke tauhi ia i he fakaabaaba. OKU ilo ae Otua i Juta: oku lahi hono huafa i Isileli.

²Oku i Selemi foki hono fale fehikitaki, mo hono afioaga i Saione.

³Nae fejifeji eia i ai ae gaahi gahau oe kaufana, ae fakāu, moe heleta, moe tau. Sila.

⁴Oku ke nāunāuia mo lelei lahi hake akoe i he gaahi mouga oe fakamalohi.

⁵Kuo ikuna ae kau loto malohi, kuo nau mohe i he e nau mohe: bea oku ikai ha toko taha i he kau tagata malohi oku ilo ho nau nima.

⁶E Otua o Jekobe, i hoo tautea kuo ke li fakatouoji be ae saliote moe hose ki he mohe oe mate.

⁷Ko koe, io, ko koe, koe manavaheia: bea kohai e faa tuu i ho ao oka ke ka houhau?

⁸Naa ke fakaogo‘i ae fakamāu mei he lagi; nae manavahe ai a mamani, o tuu tae gau‘e,

⁹I he tuu hake ae Otua ki he fakamāu, ke fakamoui ae kau agavaivai kotoabe o mamani. Sila.

¹⁰Koe mooni e fakaogolelei koe e he ita ae tagata: bea ko hono toe oe ita te ke lolomi.

¹¹Mou fuakava, o fai ia kia Jihova ko ho mou Otua: tuku ke omi ae gaahi mea ofa kiate ia oku totonu ke manavahe ki ai, akinautolu kotoabe oku nofo o takatakai ia.

¹²E motuhi eia ae loto lahi oe houeiki: oku fakailifia ia ki he gaahi tu‘i o mamani.