KOE GAAHI SAME 8:1-9 TON1884 - Bible AI

¹Oku ogoogolelei ai ae Otua i he ene gaahi gaue, bea i he ene ofa ki he tagata. E JIHOVA ko ho mau Eiki, oku lelei lahi ho huafa i mamani kotoabe! kuo ke fokotuu ho nāunāu i oluga i he gaahi lagi.

²Kuo ke tuutuuni mei he gutu oe kau valevale moe kei huhu ae malohi, koe mea i ho gaahi fili, koeuhi ke ke bule ke fakalogobe ae fili moe fakafajifaji.

³O kau ka fakakaukau ki ho gaahi lagi, koe gaue o ho louhi‘i nima, koe mahina moe gaahi fetuu, aia naa ke fokotuu;

⁴Koeha ae tagata oku ke tokaga ai kiate ia? be koe foha ae tagata, oku ke aahi ai kiate ia?

⁵He kuo ke gaohi ia ke maulalo jii i he gaahi agelo, bea kuo ke tatā aki ia ae nāunāu moe ogoogolelei.

⁶Naa ke fakanofo ia ke ne bule ki he gaahi gaue a ho nima; kuo ke tuku ae mea kotoabe ki hono lalo va‘e:

⁷Ae faga sibi kotoabe moe faga bulu, io, moe gaahi manu oe fonua;

⁸Koe manu buna oe atā, moe ika oe tahi, moe mea kotoabe oku alu i he gaahi aluaga i he tahi.

⁹E Jihova ko ho mau Eiki, oku lelei lahi ho huafa i mamani kotoabe!