KOE GAAHI SAME 80:1-19 TON1884 - Bible AI

¹1 Oku hanu ae tagata tohi same i he ene lotu i he gaahi mamahi oe jiaji. 8 Kuo liliu ae mea ofa i mua ae Otua koe mea fakamamahi. 13 Oku lotu ia ke ne moui. FAKAFANOGO ae Tauhi o Isileli, akoe oku ke tataki a Josefa o hage koe faga sibi; akoe oku ke afio i he vahaa oe jelubimi, ke ke ulo mai.

²I he ao o Ifalemi mo Benijimani mo Manase ke ke ue‘i hake ho malohi, bea haele mai o fakamoui akimautolu.

³E Otua, ke ke toe fakatafoki akimautolu, bea tuku ke ulo mai ho fofoga; bea te mau moui ai.

⁴E Jihova koe Otua oe gaahi kau tau, e fefe hono fuoloa mo hoo kei houhau ki he lotu a ho kakai?

⁵Oku ke fafaga aki akinautolu ae ma oe loimata; bea oku age kiate kinautolu ae loimata lahi ke nau inu.

⁶Oku ke gaohi akimautolu koe fekeikeiaga o ho mau kaugaabi: bea oku katakata ho mau gaahi fili iate kinautolu.

⁷E Otua oe gaahi kau tau, ke ke toe fakatafoki akimautolu, bea tuku ke ulo mai ho fofoga; bea te mau moui ai.

⁸Naa ke li kitua ae hiteni; ka naa ke omi ae vaine mei Ijibite, o to ia.

⁹Naa ke fakaataatā ae botu i hono ao, bea naa ke fakaaka maulalo ia, bea naa ne fakabito ae fonua.

¹⁰Nae ufiufi ae gaahi mouga i hono malumalu, bea ko hono gaahi vaa nae hage koe gaahi sita ae Otua.

¹¹Naa ne tuku atu hono gaahi vaa ki he tahi, mo hono gaahi uluulu ki he vaitafe.

¹²Koeha kuo ke hae hifo ai hono gaahi a, ke toli ia ekinautolu kotoabe oku alu atu i he hala?

¹³Oku maumau‘i ia e he buaka tau mei he vao, oku kai ke oji ia e he faga manu kaivao.

¹⁴E Otua oe gaahi kau tau, oku mau kole kiate koe ke ke foki mai: afio hifo mei he lagi, o vakai, mo aahi ki he vaine ni;

¹⁵Moe goue vaine aia kuo to e ho nima toomatau, moe vaa aia naa ke gaohi ke malohi maau.

¹⁶Kuo tutu ia aki ae afi, kuo ta hifo ia: kuo nau auha i he tautea e ho fofoga.

¹⁷Tuku ke hili ho nima ki he tagata o ho nima toomatau, ki he foha oe tagata aia naa ke fakamalohi maau.

¹⁸Bea e ikai ai te mau foki kimui meiate koe: ke ke fakaakeake akimautolu, bea te mau ui ki ho huafa.

¹⁹E Jihova koe Otua oe gaahi kau tau, ke ke toe fakatafoki akimautolu, bea tuku ke ulo mai ho fofoga; bea te mau moui ai.