KOE GAAHI SAME 81:1-16 TON1884 - Bible AI

¹1 Koe eginaki ke fakamalo ki he Otua. 4 Oku totonu ke fai ia ki he Otua koeuhi ke ene gaahi mea ofa. 8 Oku eginaki‘i e he Otua ke nau talagofua, o ne fakaha e nau talagataa, aia oku nau kovi ai. HIVA kalaga ki he Otua ko ho tau malohi, kalaga fakafiefia ki he Otua o Jekobe.

²Too mai ae same, bea omi ae kihi‘i lali, moe haabe malie moe saliteli.

³Ifi malohi ae mea lea i he mahina foou, i he aho kuo tuutuuni, i ho tau aho katoaga mamalu.

⁴He koe fekau eni ki Isileli, moe fono ae Otua o Jekobe.

⁵Naa ne tuutuuni eni ia Josefa koe fakamooni, i he ene alu atu i he fonua ko Ijibite: aia naaku fanogo ai ki he lea nae ikai teu iloa.

⁶Naaku hiki ae kavega mei hono uma: nae hao hono nima mei he gaahi kato.

⁷Naa ke ui i he mamahi, bea neu fakamoui koe: naaku talia koe i he botu lilo oe mana: neu ahiahi‘i koe i he vai o Meliba. Sila.

⁸Fanogo, E hoku kakai, bea teu fakababau kiate koe: E Isileli, kabau te ke tokaga mai kiate au;

⁹Oua naa fokotuu ha otua foou kiate koe: bea e ikai te ke hu ki ha otua foou.

¹⁰Ko au Jihova ko ho Otua, naaku omi koe mei he fonua ko Ijibite: fakamaga ho gutu ke lahi, bea teu fakafonu ia.

¹¹Ka nae ikai fie tokaga a hoku kakai ki hoku le‘o; bea nae ikai manako a Isileli kiate au.

¹²Koia neu fakatukutuku‘i ai akinautolu ki he holi kovi a ho nau loto: bea naa nau aeva i he e nau gaahi filioi.

¹³Amujiaage e au kuo tokaga a hoku kakai kiate au, bea eveeva a Isileli i hoku gaahi hala!

¹⁴Behe, kuou fakavaivai‘i leva ho nau gaahi fili, o mafao atu hoku nima ki ho nau kau fakamamahi.

¹⁵Bea koe kau fehia kia Jihova kuo nau fakavaivai akinautolu kiate ia: ka e tologa o taegata ho nau gaahi aho.

¹⁶Kuo ne fafaga foki akinautolu aki ae uite matuaki lelei: beau fakamakona aki akinautolu ae honi mei he maka.