KOE GAAHI SAME 83:1-18 TON1884 - Bible AI

¹1 Koe lāuga ki he Otua i he agatuu ae gaahi fili. 9 Koe lotu koeuhi ko kinautolu oku taomi ae jiaji. E OTUA, oua naa ke fakalogo be: E Otua, oua naa ke tae afio‘i, bea oua naa ke nofo be.

²Vakai, oku fakatubu maveuveu e ho gaahi fili: bea ko kinautolu oku fehia kiate koe kuo nau hiki hake ho nau ulu.

³Naa nau alea fakalilolilo ki hoo kakai, bea nau fakakaukau fakataha ki he kakai oku ke malu‘i.

⁴Naa nau behe, Ha‘u, ke tau fakaauha akinautolu ke oua naa toe ui akinautolu koe buleaga; ke oua naa kei manatu ki he higoa o Isileli.

⁵He kuo nau fakakaukau i he loto taha: oku nau fuakava o agatuu kiate koe:

⁶Koe gaahi fale fehikitaki o Itomi, moe kau Isimeli; a Moabe, moe hako o Hekaa;

⁷A Kebale, mo Amoni, mo Amaleki; koe kau Filisitia moe kakai o Taia;

⁸Oku fakataha mo kinautolu foki a Asilia: kuo nau tokoni ki he fānau a Lote. Sila.

⁹Fai kiate kinautolu o hage ko hoo fai ki he kau Mitiani; o hage ko Sisela, mo Jabini, i he vaitafe o Kisoni:

¹⁰Aia nae auha i Enitoa: naa nau hoko o hage koe kinohaa ki he kelekele.

¹¹Gaohi ho nau gaahi eiki ke hage ko Olibi, bea tatau mo Siibi: io, ae nau houeiki kotoabe o hage ko Sibaa, mo Salimuna.

¹²Aia naa nau behe, Ke tau ma‘u ae gaahi fale oe Otua moo tautolu.

¹³E hoku Otua, ke ke gaohi akinautolu ke hage koe teka; ke hage koe veve oku viligia i he matagi.

¹⁴O hage koe vela oe vao akau i he afi, bea hage kuo tutu ae gaahi mouga e he ulo afi;

¹⁵Ke fakataga behe akinautolu aki hoo fuu taufa, bea fakamanavahe‘i akinautolu aki hoo afā.

¹⁶E Jihova, fakafonu ho nau mata i he ma; koeuhi ke nau kumi ki ho huafa.

¹⁷Tuku ke nau bubutuu mo mamahi o taegata; io, tuku ke ma mo auha akinautolu.

¹⁸Koeuhi ke ilo e he kakai ko koe, ko ho huafa oou ko Jihova, koe Fugani Maoluga i mamani kotoabe.