KOE GAAHI SAME 86:1-17 TON1884 - Bible AI

¹1 Koe tokoni aki e Tevita ene hu i he ene ilo‘i ae ofa, moe agalelei, moe malohi ae Otua. 11 Oku ke holi ke ne ma‘u be ae oia. 14 Oku hanu ia i he kau fielahi, bea ne kole ha fakailoga ki he agalelei ae Otua. E JIHOVA, ke ke fofoga mai, o fanogo kiate au: he oku ou majiva mo mamahi.

²Fakamoui hoku laumalie; he oku ou maonioni: akoe ko hoku Otua, fakamoui hoo tamaioeiki aia oku falala kiate koe.

³E Eiki, ke ke aloofa kiate au: he oku ou tagi kiate koe i he aho kotoabe.

⁴E Eiki, fakafiefia‘i ae laumalie o hoo tamaioeiki: he oku ou hiki hake hoku laumalie kiate koe.

⁵He ko koe, E Eiki oku ke agalelei, bea faa fakamolemole; bea mohu aloofa kiate kinautolu kotoabe oku ui kiate koe.

⁶Fanogo, E Jihova, ki he eku lotu; bea tokaga ki he le‘o o eku gaahi lotu tāumau.

⁷I he aho o eku mamahi teu ui kiate koe; he te ke talia au.

⁸E Eiki, oku ikai ha toko taha i he gaahi otua oku tatau mo koe; bea oku ikai ha gaue o hage ko hoo gaahi gaue.

⁹E Eiki, e ha‘u o hu i ho ao ae gaahi buleaga kotoabe naa ke gaohi; bea te nau fakaogoogolelei‘i ho huafa.

¹⁰He oku ke lahi, bea oku ke fai ae gaahi mea mana: ko koe be koe Otua.

¹¹E Jihova, ako kiate au ho hala; teu eveeva i hoo mooni: gaohi ke taha be hoku loto ke manavahe ki ho huafa.

¹²E Eiki ko hoku Otua, teu fakafetai kiate koe aki hoku loto kotoa: bea teu fakaogoogolelei ho huafa o taegata.

¹³He oku lahi hoo aloofa kiate au: bea kuo ke fakamoui hoku laumalie mei he loto heli.

¹⁴E Otua, kuo tuu hake kiate au ae kau fielahi, bea nae kumi hoku laumalie e he gaahi fakataha oe kau fakamalohi; bea oku ikai te nau fokotuu a hoo afio i ho nau ao.

¹⁵Ka ko koe, E Eiki, koe Otua oku fonu i he manavaofa, moe agalelei, oku ke kataki fuoloa, bea mohu aloofa moe mooni.

¹⁶Ke ke tafoki mai kiate au, bea aloofa kiate au; foaki ho malohi ki hoo tamaioeiki, bea fakamoui ae tama a hoo kaunaga.

¹⁷Fakaha kiate au ae fakailoga oe lelei; koeuhi ke mamata ki ai akinautolu oku fehia kiate au, bea ma ai: koeuhi kuo ke tokoni‘i au, E Jihova, o fakafiemalie‘i au.