KOE GAAHI SAME 88:1-18 TON1884 - Bible AI

¹Koe lotu i he mamahi lahi. E JIHOVA koe Otua o eku moui, naaku tagi i he aho moe bo i ho ao:

²Tuku ke a‘u atu eku lotu ki ho ao: ke ke fofoga mai ki he eku tagi;

³He oku fonu hoku laumalie i he mamahi: bea oku fakaaau eku moui ki he faitoka.

⁴Oku lau fakataha au mo kinautolu oku alu hifo ki he luo: oku ou hage ha tagata oku ikai hano malohi:

⁵O tauataina moe kakai mate, o hage koe kakai kuo tamate‘i oku tokoto i he faitoka, akinautolu oku ikai te ke kei manatu‘i: bea kuo motuhi akinautolu e ho nima.

⁶Kuo ke tuku au i he luo taumamao, i he fakabouli, i he gaahi loloto.

⁷Oku tatao mamafa ho houhau iate au, bea kuo ke fakamamahi‘i au aki hoo gaahi beau kotoabe. Sila.

⁸Kuo ke fakamamao atu hoku gaahi kaumea; kuo ke gaohi au koe mea fakalielia kiate kinautolu: kuo akilotoa au, bea oku ikai teu faa alu atu.

⁹Oku vaivai hoku mata koe mea i he mamahi: E Jihova, oku ou ui kiate koe i he aho kotoabe, kuou mafao atu hoku nima kiate koe.

¹⁰Te ke fakaha ae gaahi mea mana ki he mate? e tuu hake ae mate o fakafetai kiate koe? Sila.

¹¹E fakaha atu a hoo aloofa i he faitoka? be ko hoo mooni i he fakaauha?

¹²E ilo‘i hoo gaahi gaue fakaofo i he bouli? mo hoo maonioni i he fonua oe fakagalo?

¹³Ka naaku tagi kiate koe, E Jihova; bea i he bogibogi e a‘u atu kiate koe eku lotu.

¹⁴E Jihova, koeha oku ke liaki ai a hoku laumalie? koeha oku ke fufu ai ho fofoga iate au?

¹⁵Oku ou mamahi, bea meimei mate talu eku kei talavou: i he eku kataki hoo gaahi mea fakailifia oku ou feiga ai aubito.

¹⁶Kuo lofia au e ho houhau lahi; kuo motuhi au e hoo gaahi fakailifia.

¹⁷Naa nau kabui au i he aho kotoabe o hage koe vai; naa naa fakataha o takatakai au.

¹⁸Koe kaumea ofa moe kaiga kuo ke fakamāmao atu iate au, mo hoku kaumea ki he bouli.