KOE GAAHI SAME 89:1-52 TON1884 - Bible AI

¹1 Oku fakamalo e he tagata tohi same ki he Otua koeuhi ko ene fuakava, 5 mo hono malohi lahi, 15 mo ene tokaga ki hono jiaji, 19 me ene ofa ki he buleaga o Tevita. 38 Oku ne lāuga koeuhi koe gaahi mea kovi. 46 Oku ne eke, mo lotu, bea fakafetai ki he Otua. TEU hiva aki ae gaahi aloofa a Jihova o taegata: teu fakailo aki hoku gutu a hoo mooni ki he toutagata kotoabe.

²He naaku behe, E fokotuu mau be ae aloofa o taegata: ko hoo mooni te ke fakatuu mau i he gaahi lagi.

³Kuou fai ae fuakava mo eku fili, kuou fuakava ki he eku tamaioeiki ko Tevita.

⁴Teu fakatuu mau ho hako o taegata, teu fokotuu ho buleaga ki he toutagata kotoabe. Sila.

⁵Bea e fakamalo e he gaahi lagi ki hoo gaahi gaue fakaofo, E Jihova: mo hoo mooni foki i he fakataha oe kau maonioni.

⁶He kohai i he lagi e fakatatau ia kia Jihova? kohai i he gaahi foha oe malohi e faa fakatatau kia Jihova?

⁷Oku totonu ke manavahe lahi ki he Otua i he fakataha oe kau maonioni, bea ke fakaabaaba akinautolu kotoabe oku tuu takatakai kiate ia.

⁸E Jihova koe Otua oe gaahi kau tau, kohai oku tatau mo koe ko Jihova mafimafi? bea ko hoo mooni oku kabui koe.

⁹Oku ke bule‘i ae gau‘e malohi oe tahi: oka hou hono gaahi beau, oku ke fakatofuki‘i ia.

¹⁰Kuo ke feji‘i a Lehabi ke lailai, o hage ha taha kuo tamate‘i; kuo fakahe‘i ho gaahi fili aki ho nima malohi.

¹¹Oku oou ae gaahi lagi, bea oku oou foki moe fonua: ko mamani mo hono fonu oia kuo ke fakatuu mau ia.

¹²Kuo ke gaohi ae botu tokelau moe botu toga: ko Teboa mo Heamoni e fiefia i ho huafa.

¹³Oku iate koe ae nima mafimafi: oku malohi ho nima, bea maoluga he nima toomatau.

¹⁴Koe agatonu moe fakamāu koe tuuga ia o ho afioaga: e muomua i ho ao ae aloofa moe mooni.

¹⁵Oku monuia ae kakai oku nau ilo‘i ae ogoogo fakafiefia: te nau aeva, E Jihova, i he māma o ho fofoga.

¹⁶Te nau fiefia i ho huafa i he aho kotoabe: bea i hoo maonioni e hakeaki‘i ai akinautolu.

¹⁷He ko koe koe vikivikiaga o ho nau malohi: bea i hoo ofa e hiki ai ki oluga ho nau nifo.

¹⁸He ko ho mau hufaga a Jihova; bea koe Toko Taha Maonioni o Isileli ko ho mau tu‘i.

¹⁹Bea naa ke toki folofola i he mea ha mai ki hoo toko taha maonioni, o behe, Kuou hilifaki ae tokoni ki ha toko taha oku malohi; kuou fakahikihiki ae toko taha kuo fili mei he kakai.

²⁰Kuou ilo‘i a Tevita ko eku tamaioeiki; bea kuou tākai aki ia a eku lolo maonioni:

²¹E tuu mau hoku nima mo ia: ko hoku nima foki e fakamalohi‘i ia.

²²E ikai fai fakamalohi kiate ia e he fili; be fakamamahi‘i ia e he foha oe agakovi.

²³Bea teu ta‘i hifo hono gaahi fili i hono ao, bea tautea akinautolu oku fehia kiate ia.

²⁴Ka e iate ia a eku mooni mo eku aloofa: bea i hoku huafa e hiki ki oluga ai a hono nifo.

²⁵Teu ai foki hono nima ki he tahi, mo hono nima toomatau ki he gaahi vaitafe.

²⁶E tagi ia kiate au, Ko koe ko eku Tamai, ko hoku Otua, moe maka o hoku fakamoui.

²⁷Bea teu gaohi foki ia ko hoku uluaki foha, e maoluga lahi ia i he gaahi tu‘i o mamani.

²⁸Teu tuku eku aloofa maana o taegata, bea e tuu mau eku fuakava mo ia.

²⁹Teu gaohi foki hono hako ke nau tologa o taegata, mo hono nofoa o hage koe gaahi aho oe lagi.

³⁰Kabau e liaki eku akonaki e he ene fānau, o ikai aeva i he eku gaahi fakamāu;

³¹Kabau te nau maumau‘i eku gaahi tuutuuni, bea ikai tauhi eku gaahi fekau;

³²Bea teu toki aahi e nau gaahi talagataa aki ae mea kini, moe nau hia aki ae gaahi ta.

³³Ka e ikai teu hiki aubito eku manavaofa iate ia, be tuku taehoko a eku mooni.

³⁴E ikai teu liaki eku fuakava, be fakakehe ae mea kuo alu atu i hoku lougutu.

³⁵Kuou fuakava tuo taha i he eku maonioni e ikai teu loi kia Tevita.

³⁶E tologa ene fānau o taegata, mo hono nofoa o hage koe laa i hoku ao.

³⁷E fakatuu mau ia ke taegata o hage koe mahina, bea hage koe fakamooni i he lagi. Sila.

³⁸Ka kuo ke liaki mo fākalilia, mo ke houhau kiate ia naa ke bani.

³⁹Kuo ke fakataeaoga‘i ae fuakava a hoo tamaioeiki: kuo ke fakakovi‘i hono tatā i hoo li ia ki he kelekele.

⁴⁰Kuo ke maumau‘i hifo hono gaahi a kotoabe; kuo ke fakaauha hono gaahi botu malohi.

⁴¹Ko kinautolu kotoabe oku alu i he hala oku nau kaihaa iate ia: koe manukiaga ia o hono gaahi kaugaabi.

⁴²Kuo ke hiki hake ae nima toomatau o hono gaahi fili; kuo ke fakafiefia‘i a hono gaahi fili kotoabe.

⁴³Kuo ke liliu foki ae mata o ene heleta, bea e ikai te ke gaohi ia ke tuu i he tau.

⁴⁴Kuo ke fakaoji hono nāunāu, bea li hono nofoa ki he kelekele.

⁴⁵Kuo ke fakafuonounou ae gaahi aho o ene talavou: kuo ke ufiufi aki ia ae ma. Sila.

⁴⁶E Jihova, e fefe hono fuoloa? te ke fakafufu koe o taegata? e vela ho houhau o hage koe afi?

⁴⁷Manatu ki hono fuonounou o eku moui: koeha kuo ke gaohi ae kakai kotoabe ke taeaoga?

⁴⁸Kohai ae tagata koia oku moui, bea e ikai te ne mamata ki he mate? e fakamoui eia a hono laumalie mei he nima oe faitoka? Sila.

⁴⁹E Eiki, koefe hoo gaahi aloofa i mua, aia naa ke fuakava aki kia Tevita i hoo mooni?

⁵⁰Manatu, E Eiki, ki he manuki‘i o hoo kau tamaioeiki; mo eku fua i hoku fatafata ae manuki ae kakai malohi kotoabe;

⁵¹Aia kuo manuki aki e no gaahi fili, E Jihova; aia kuo nau manuki aki ae gaahi aluaga oia kuo ke bani.

⁵²Fakafetai kia Jihova o taegata. Emeni, mo Emeni.